Türkıstanda ne bolyp jatyr? (video)

Soŋǧy kezde äleumettık jelılerde Türkıstanda belgısız dertten adam ölımı köbeigenı jaily aqparat kezıp kettı. Belgısız ındet deitını tūmau ma, pnevmoniia ma, koronavirus pa özımız bılmeimız degen tūrǧyndar auruhanalarda oryn joq, därıgerler qaramaidy, därı-därmek tapşy dep mälımdegen bolatyn. Bügın "Adyrna" ūlttyq portalynyŋ tılşısıne Türkıstan oblystyq qoǧamdyq densaulyq basqarmasy resmi jauap berdı. Būl aqparattardyŋ qaueset, şynjdyqqa janaspaityndyǧyn aitqan densaulyq basqarmasy jūrtty jel sözge senbeuge şaqyrdy. "Qazırgı taŋda Türkıstan qalalyq ortalyq auruhanasynda pnevmoniiamen 291 adam em qabyldauda. 298 nauqas jazylyp şyqty. Äleumettık jelılerde auruhana jabyldy jäne oryn joq dep taraǧan aqparat jalǧan. Türkıstan qalalyq ortalyq auruhanasynda qosymşa 220 tösek oryndyq provizorlyq stasionar qyzmet körsetude. 54 därıger, 109 orta buyn jäne 59 kışı buyn qyzmetkerlerı künı-tünı nauqastarǧa emdık şaralaryn aianbai körsetıp keledı. Nauqastardy emdeuge qosymşa öŋırdegı medisinalyq ūiymdardan 3 reanimotolog-därıger, 1 epidemiolog jäne meiırbikeler men tazalyqşylar jūmyldyrylǧan. Auruhanalarǧa därı-därmek qory ai saiyn bölınıp otyrady. Qazırgı jaǧdaida bır aiǧa bölıngen därı-därmek tausylǧandyqtan, qordan qosymşa därı-därmekter jetkızılgen. Nauqastarǧa därı-därmek jetkılıktı. Tūrǧyndardan sabyr saqtap, eŋ bastysy karantin rejimın qadaǧalaularyn sūranamyz" deidı Türkıstan oblystyq qoǧamdyq densaulyq basqarmasynyŋ baspasöz qyzmetı. Türkıstan oblysy qoǧamdyq densaulyq basqarmasy basşysynyŋ orynbasary Nūrhan Narymbetova bolsa būl aurudyŋ tynys alu jolynan qiyndyq körıp jürgen nauqastarǧa oŋai soqpaitynyn aitty. https://www.youtube.com/watch?v=An4JLajNAqU&feature=youtu.be   "Adyrna" ūlttyq portaly