"Dárigerlerden túsinikteme alyndy": Ákim orynbasary Aqtóbedegi keleńsiz jaǵdaıǵa túsinik berdi

610

 

Esterińizde bolsa osydan birneshe kún buryn áleýmettik jelilerde Aqtóbe aýrýhanasynda jetkizilgen naýqasty qabyldamaı jatqan vıdeo tarap ketken bolatyn. Búgin atalǵan jáıtke qatysty oblys ákiminiń orynbasary Nurjaýǵan Qalaýov túsinikteme berdi.

Qalaýovtyń aıtýynsha, Aqtóbe oblysynda koronavırýs juqtyrǵan naýqastardy qabyldaıtyn oryn jetkilikti. Dárigerler naýqastardy qabyldaý úshin arnaıy 1536 adamdyq oryn ázirlegen. Onyń 226-sy ınfekııalyq oryn, 780-y provızorlyq oryn, 500-i karantındik oryn. Atalǵan oryndarda qazir oryn jetispeýshiligi joq. Infekııalyq aýrýhananyń - 50%, provızorlyq mekemeniń - 65%, karantındik orynnyń - 57% bos turǵan kórinedi.

Nurjaýǵan Qalaýov  aýrýhanada oryn bola tura jetkizilgen naýqastardy nelikten qabyldamaǵanyna túsinikteme berdi.

Koronavırýs juqtyrǵandar staıonarda jatyr. Olardan bólek pnevmonııamen aýyrǵandar sany sońǵy aptada kúrt ósip ketti. Qazirgi kezde 360 adam pnevmonııa boıynsha em qabyldaýda. Olarǵa Qarǵaly jáne temir jol aýrýhanasynan oryn berilgen, sol jerlerde qabyldaıdy. Degenmen, turǵyndar ózderiniń turǵylyqty jeri boıynsha aýrýhanaǵa barǵysy keledi. Sol sebepti temirjol aýrýhanasyna adamdar kóptep baryp, ol jerde belgilengen orynnan asyp ketken.  Naýqastardy basqa jerge jiberý boıynsha narazylyqtar boldy. Ol boıynsha tıisti sharalar júrgizildi, dárigerlerden túsinikteme alyndy. Olardy da túsinýge bolady, em jasaımyz dep kún-túnge qaramaı jumys istedi. Tipti olar 3 aıdan beri úılerin kórmesten jataqhanada turyp jumys istep jatyr, - dedi Nurjaýǵan Qalaýov.

"Adyrna" ulttyq portaly

Pikirler
Redakııa tańdaýy