Esterıŋızde bolsa osydan bırneşe kün būryn äleumettık jelılerde Aqtöbe auruhanasynda jetkızılgen nauqasty qabyldamai jatqan video tarap ketken bolatyn. Bügın atalǧan jäitke qatysty oblys äkımınıŋ orynbasary Nūrjauǧan Qalauov tüsınıkteme berdı.
Qalauovtyŋ aituynşa, Aqtöbe oblysynda koronavirus jūqtyrǧan nauqastardy qabyldaityn oryn jetkılıktı. Därıgerler nauqastardy qabyldau üşın arnaiy 1536 adamdyq oryn äzırlegen. Onyŋ 226-sy infeksiialyq oryn, 780-y provizorlyq oryn, 500-ı karantindık oryn. Atalǧan oryndarda qazır oryn jetıspeuşılıgı joq. İnfeksiialyq auruhananyŋ - 50%, provizorlyq mekemenıŋ - 65%, karantindık orynnyŋ - 57% bos tūrǧan körınedı. Nūrjauǧan Qalauov auruhanada oryn bola tūra jetkızılgen nauqastardy nelıkten qabyldamaǧanyna tüsınıkteme berdı.Koronavirus jūqtyrǧandar stasionarda jatyr. Olardan bölek pnevmoniiamen auyrǧandar sany soŋǧy aptada kürt ösıp kettı. Qazırgı kezde 360 adam pnevmoniia boiynşa em qabyldauda. Olarǧa Qarǧaly jäne temır jol auruhanasynan oryn berılgen, sol jerlerde qabyldaidy. Degenmen, tūrǧyndar özderınıŋ tūrǧylyqty jerı boiynşa auruhanaǧa barǧysy keledı. Sol sebeptı temırjol auruhanasyna adamdar köptep baryp, ol jerde belgılengen orynnan asyp ketken. Nauqastardy basqa jerge jıberu boiynşa narazylyqtar boldy. Ol boiynşa tiıstı şaralar jürgızıldı, därıgerlerden tüsınıkteme alyndy. Olardy da tüsınuge bolady, em jasaimyz dep kün-tünge qaramai jūmys ıstedı. Tıptı olar 3 aidan berı üilerın körmesten jataqhanada tūryp jūmys ıstep jatyr, - dedı Nūrjauǧan Qalauov.
"Adyrna" ūlttyq portaly
