Armeniianyŋ ministrlerı  köşede halyqqa betperde taratyp jür (video)

Armeniianyŋ Densaulyq saqtau ministrı Arsen Torosian köşege şyǧyp, ötıp bara jatqan adamdarǧa betperde (maska) taratty.  Būl turaly  www.panorama.am/ru portaly aqparat jariialady. Erevannyŋ Şengavit äkımşılık audanynda jolai kezdesken tūrǧyndardyŋ ärqaisysyna  betperde bergen Densaulyq saqtau ministrı ındet jailaǧan kezeŋde būl aksiianyŋ säl de bolsa paidasy tietının aitty. –Bügın bız köşege şyǧyp, halyqqa betperde taratamyz. El az da bolsa mūnyŋ paidasy bolatynyn tüsınuı tiıs. Sondyqtan da būl asiiany halyqtyŋ qauıpsızdıgı üşın ūiymdastyryp otyrmyz,- dedı Arsen Torosian feisbukte jazǧan jazbasynda. Būl şara  bırınşı ret jasalynyp otyrǧan joq. Osydan bırşama uaqyt būryn Armeniianyŋ premer-ministrı Nikol Paşinian halyq köp jüretın audanda tūrǧyndarǧa betperde taratqan. Endı mıne būl aksiiany qalǧan şeneunıkter jalǧastyryp äkettı. Erevannyŋ bırneşe audanynda bügın eldıŋ vise-premerı Mger Grigorian, polisiia basşysy Vage Kazarian,  premer-ministrdıŋ apparat jetekşısı Eduard Agadjanian, Syrtqy ıster ministrı Zograb Mnasakanian, İnfraqūrylym jäne aumaqtyq basqaru ministrı Suren Papikian, Eŋbek jäne äleumettık mäseleler jönındegı ministr Zarui Batoian jäne taǧy basqa şeneunıkter halyqqa betperde taratty. Eskerte keteiık, koronavirus Armeniiada da örşıp tūr. Bügıngı künge deiın atalǧan aty jaman ındetten auyryp jatqandardyŋ sany elde 21717 adamǧa jettı. 10797 adam būl aurudan jazylyp şyqty.  Al 516 adam koronavirustan qaitys boldy.

Erkın Qaldan, «Adyrna» ūlttyq portaly

Sıltemeden videosyn tamaşalauǧa bolady. https://www.facebook.com/watch/live/?v=1340239006165522&ref=notif&notif_id=1592920590624548&notif_t=live_video