Qasym-Jomart Toqaev koronavırýs indetiniń taralý ahýaly jónindegi Vedomstvoaralyq komıssııanyń otyrysyn ótkizdi.
Prezıdent aýyr naýqastardyń kóbeıýine baılanysty aýrýhanalardy ottegi apparatymen qamtamasyz etý máselesi kún tártibindegi eń basty másele bolyp otyrǵanyn jetkizdi.
«Memlekettik organdar tarapynan úılestirý bolmaǵandyqtan, turǵyndar bul máseleni óz betinshe sheshýge tyrysýda. Bul aqylǵa qonymsyz! Úkimet pen ákimder aýrýhanalardy ottegimen qamtamasyz etý úshin bes kúndik merzimge ıe bolady», - dedi Memleket basshysy.
Qasym-Jomart Toqaev qalalardaǵy jaǵdaıdy turaqtandyrý kezinde aýyl turǵyndaryn da umytpaý kerek ekenin atap ótti. Onyń aıtýynsha, búginde dıagnostıka men emdeý, qajetti dári-dármekter men preparattar aýyl turǵyndaryna durys jetpeı jatyr.
«Medıınalyq kadrlardyń jetispeýshiligi jáne qajetti ınfraqurylym máselesi aýyldyq jerlerde ózekti bolyp otyr. Úkimet 2300 ámbebap mobıldi brıgadalardyń qurylýy týraly habarlady. Alaıda, olar negizinen qala turǵyndaryna qyzmet etedi. Biz aýyldardy qaraýsyz qaldyra almaımyz! Men aýyldardy qajetti dári-dármekter men medıınalyq jabdyqtarmen qamtamasyz etýdi tapsyramyn», - dedi Prezıdent.
"Adyrna" ulttyq portaly
