Prezıdent Qasym-Jomart Toqaev Qazaqstan halqyna kezekti Joldaýynda «Qaryzsyz qoǵam» jobasynyń ıgiligin búkil elimiz kórýi qajet ekenin aıtty, dep habarlaıdy «Adyrna» ulttyq portaly.
Ótken jyly negizgi kapıtalǵa salynǵan ınvestıııalar JIÓ-niń 15% -yn ǵana qurady. Bul kóbinese otandyq bankterdiń ekonomıkany damytýǵa az qatysýynyń saldary. Prezıdenttiń sózinshe, mundaı ahýal Úkimetti tikeleı qarjylandyrýmen, kepildik jáne sýbsıdııa berýmen aınalysýǵa májbúrleıdi.
Bul tásil tıimsiz, kóp qarajatty talap etedi ári naryqtyq ekonomıka qaǵıdalaryna qaıshy keledi. Sonymen birge naqty sektorǵa beriletin kredıt azaıyp jatqanda bankter tutyný nesıesimen áýestenip ketti. Osy jaǵdaı qarjy júıesine tónetin syn-qaterlerdiń kóbeıýine jáne azamattardyń shekten tys qaryzǵa batýyna ákep soqtyrdy.
Meniń 2019 jyly 500 myń azamattyń kepilsiz nesıesin keshirý týraly sheshimim jáne jaqynda qabyldanǵan jeke tulǵalardyń bankrottyǵy týraly zań máseleni birshama rettedi. Biraq ahýaldy birjola túzeý úshin jańadan júıeli sharalar qabyldaý qajet. Sonymen qatar azamattardyń qarjy saýatyn arttyrý óte mańyzdy, - dedi Prezıdent.
Bul rette Qasym-Jomart Toqaev «AMANAT» partııasynyń «Qaryzsyz qoǵam» jobasyn erekshe atap ótti.
Sonyń arqasynda elimizdiń 8 aımaǵynda 20 myńnan astam adam qarjylyq saýatyn arttyrdy. Olardyń kópshiligi – 10 jáne odan da kóp nesıe alǵan adamdar. Bul joba az ýaqytta óziniń tıimdiligin kórsetti. Úkimetke «Amanat» partııasymen birlesip, onyń aýqymyn keńeıtýdi tapsyramyn. «Qaryzsyz qoǵam» jobasynyń ıgiligin búkil elimiz kórýi qajet, - dedi Toqaev.
