Soŋǧy ailarda äleumettık jelıde ülken rezonans tudyrǧan Älıbi Ötepbergennıŋ jaǧdaiy öner adamdaryn da bei-jai qaldyrmady. Eske salaiyq, «Aqböbek-Vostok» jazǧy lagerınde būzyqtyq jasaǧan balalardy jazalauǧa tyrysqan tärbieşı Aqtöbe oblystyq sotynyŋ ükımı boiynşa 10 jylǧa bas bostandyǧynan aiyryldy. Şeşımnıŋ eş negızsız bolǧanyna küiıngen tuysqandary qaraşa halyqtan kömek sūraidy.
Būl turaly "Adyrna" būǧan deiın de jazǧan edı.
Bolaşaq akterdıŋ qiyn jaǧdaiyna ün qosyp, şäkırtterınıŋ jazyqsyz ekendıgın däleldeu üşın şyryldap jürgen öner adamdarynyŋ pıkırıne üŋılıp köreiık!
Säken Maiǧaziev, Qazaqstannyŋ eŋbek sıŋırgen qairatkerı: –Oquşylar lagerındegı 50-ge juyq beĭnekamerada Älıbidıŋ bırde-bır oǧaş qylyǧy körınbese, aryz jazǧan 20 ata-ananyŋ 19-y "Älıbige taǧar kınämız joq" dep aryzyn qaĭtaryp alsa, endı ne kerek?! Būl qazaq halqyn, Älıbiımızdıŋ tuystaryn sybaĭlas jemqorlyqqa itermeleu me?! Aryzyn qaĭtaryp almaĭ otyrǧan 15 jasar balanyŋ otbasyna aĭtarym, Allah taǧala bärın bıluşı, köruşı, estuşı. Şaŋnyŋ tozaŋyndaĭ jaqsylyq jasasaŋ özıŋe, jamandyq jasasaŋ özıŋe oralady. QŪDAİ̆ köresımızdı körsetpeĭ körge kırgızbeĭdı, osyny ūmytpaĭyq. Jazyqsyz jandy 10 jylǧa sottatu baryp tūrǧan beĭbastaqtyq, ädıletsızdık. Eger, Älıbiımız kınälı bolǧan bolsa, dälelmen körsetulerıŋızdı sūraĭmyz. Ädıldık saltanat qūrsyn! QAZAQSTANYMYZdyŋ jarqyn bolaşaǧynyŋ, kemel keleşegınıŋ kepılı jastarymyzǧa jazyqsyz jala jaba beretın bolsaq, erlerde elge degen senım qaĭdan bolady?!
Maira Iliiasova, Qazaqstannyŋ eŋbek sıŋırgen qairatkerı, qazaq estradasynyŋ anasy: «Älıbige araşa! Qymbatty, halaĭyq! Älıbi balamyzǧa el bolyp, araşa tüsıp, ädıldık sūraǧanymyzben, sot öz şeşımın özgertpedı. Qalyŋ qazaqtyŋ tılegı eskerılmedı, tuystary qan jylady, Älıbidıŋ ümıtı sönuge taiau qaldy. Degenmen, būl qazaq ne körmegen?! Talaĭ qinalǧan janǧa demeu boldyq, jylaǧannyŋ közın bırge sürttık, qinalǧandy quanttyq. Endeşe, taǧy bır ret "köp tükırse, köl bolatyn" kezımız jettı, aǧaĭyn! Sız bolyp, bız bolyp, onsyz da qatal taǧdyrdyŋ tauqymetıne ūşyrap, anasynan erte aĭrylǧan, 23 jasynda jasöspırımderdıŋ "erkelıgınen" naqaqtan jala jabylǧan Älıbi Ötepbergenge qol ūşyn sozatyn kez keldı. Barşa janaşyrlar jiylyp, jas jıgıttı qorǧauǧa qol ūşyn sozaĭyqşy.«Şynynda akşa ne uşin jinap jatsyzdar? Sot akşa surap jatyrma? Nege elbasyna hat jazyp, kömek suramaisyzdar?» degen oqyrmannyŋ sūraǧyna Maira bylai dep jauap berdı: «Älıbidı 2 advokat qorǧaidy. Aqtöbege jiı baryp jatyr. Qarajat ūşaq, qonaq üi, tamaqqa jūmsaluda. Balalarynyŋ jalǧan aqparattaryna senıp, şalys basqan ata-analar aryzdaryn qaitaryp aldy. Balalar lagerde diskotekaǧa bara almai, eregesıp ūiymdastyrǧany aidan anyq. Men «Şabyt» universitetınde dekan jane ūstaz bolyp qyzmet atqarǧanmyn. Älıbi gruppanyŋ starostasy ärı öte taza bala bolatyn» Meruert Tüsıpbaeva da instagram paraqşasynda Älıbidıŋ ısıne bailanysty bırneşe jazba qaldyrǧan. Oqiǧanyŋ neden bastalyp, qalai örbıgenın de baiandaidy. Aktoty Raimkulova, Askhat Mayemirov, Maira İliasova, Sveta Aĭtbaeva syndy üzeŋgılesterın jazyqsyz jandy qoldauǧa şaqyrdy. Osydan bır apta būryn jazǧan jazbasynda «Jūmylsaq - jūdyryq, bırıksek - tau qoparar küşpız! Ädıldık bar, jeŋıske jetetın kün jaqyn! Ümıtıŋ sönbesın, ÄLIBİ!» dei kele, qarajat jinau üşın Älıbidıŋ äpkesınıŋ rekvizitterın körsetken. «Qymbatty, halaĭyq!!! Älıbi balamyzǧa el bolyp, araşa tüsıp, ädıldık sūraǧanymyzben, sot öz şeşımın özgertpedı. Qalyŋ qazaqtyŋ tılegı eskerılmedı, tuystary qan jylady, Älıbidıŋ ümıtı sönuge taiau qaldy. Degenmen, būl qazaq ne körmegen?! Talaĭ qinalǧan janǧa demeu boldyq, jylaǧannyŋ közın bırge sürttık, qinalǧandy quanttyq. Endeşe, taǧy bır ret "köp tükırse, köl bolatyn" kezımız jettı, aǧaĭyn! Sız bolyp, bız bolyp, onsyz da qatal taǧdyrdyŋ tauqymetıne ūşyrap, anasynan erte aĭrylǧan, 23 jasynda jasöspırımder "erkelıgınen" naqaqtan jala jabylǧan Älıbi Ötepbergenge qol ūşyn sozatyn kez keldı. Barşa janaşyrlar jiylyp, jas jıgıttı qorǧauǧa qol ūşyn sozaĭyqşy» dep şarq ūrady Tüsıpbaeva. Älıbidı pedofiliiaǧa qatysy bar degen pıkırge Meruerttıŋ bergen jauaby: «Qazırgı uaqytta pedofiliia taqyryby päleqorlarǧa jaqsy boldy. Qit etse, pedofil dep şyǧady. Menıŋ bala kezımde, osy taqyryp jabyq edı, synyptastarymyzdy jasy ülkenırek balalar ūratyn. "Er şekıspeĭ, bekıspeĭdı" dep közderı kögerıp jüre beretın. Al qazır bärı äljuaz, erke, şybyq tise şyŋq eter “mamenkin synochekter”. Kışkene erkek bolsyn, moĭny qataĭsyn dep tärbielep, qatty söĭlep, nūqyp jıberse boldy, özıŋe atyluǧa daĭyn. Öşın alu üşın «pedofil» dep şyǧady. Qazaq onsyz da öte az. Bolaşaǧynan zor ümıt küttıretın azamattarymyzdy abaqtyǧa tyqsaq, qalaĭ ösemız?! Qalaĭ örkendeĭmız?! Öz-özımızdı ūlt retınde joiu qaupı bar emes pe?!» «Qūrmettı analar! Balalaryŋyzdy ERKEK qylyp tärbieleŋızder! Balaŋyzdy jaqsy körseŋız, bala men tärbieşınıŋ arasyna tüspei, balaǧa öz mäselesın özı şeşuıne mümkındık berıŋızder! Balaŋyzdy qanşa qorǧaştaǧanyŋyzben, sız balaŋyzben ömır boiy bırge bolmaisyz. Dūrys tüsınulerıŋızdı sūraimyn. Bızdıŋ balalarymyzdyŋ bızden de keremet taǧdyry bar» dep aryz jazǧan ata-analarǧa ündeu tastaidy. Sveta Aitpaeva da «Obal boldy jas balaǧa. Menıŋ Dimaşjanymmen qatar eken» dep ah ūryp jatyr. Jan-jaqqa habarlasyp, dabyl qaǧuda. «Eger anasy tırı bolsa, älgı aryz bergen äielderdıŋ üiınıŋ aldyna köldeneŋnen jatyp alsa da, aryzyn aldyrtqyzatyn edı ǧoi» dep kürsınedı. «Älıbidıŋ Analary» bolǧan myŋdaǧan Anany jylatpaŋyzdar! Älıbi jaman bolsa, qazaqtyŋ Qyz Jıbegı Meruert Ötekeşova apamyz ūşaqpen Aqtöbege ūşyp baryp, sottyŋ aldyna baryp otyrmaidy. Jas qyzdar men zamandastary şyryldap şyqpaidy. Tūrsynbektıŋ kelınşegı Möldır de küŋırenıp post jazbaidy... Bır kem dünie...» dep Älıbidıŋ taǧdyry üşın küresıp jürgen Bibıgül Däuletbekqyzy da ün qosty. Qazırgı kezde Älıbidı Asanälı Aşimov, Eskendır Hasanǧaliev, Nūrǧali Nüsıpjanov, Meruert Ötekeşeva, Maira İliasova, Ashat Maemirov, Qanat- Sveta Aitpaevtar, Qydyrälı - Qaraqat, Tūrsynbek - Möldır Qabatovtar, Saken Maiǧaziev, Meruert Tüsıpbaeva, Madina Saduaqasova, Dauren Serǧazin, t.b. tanymal tūlǧalar qoldap otyr. Aqiqatty aşyp aitu aqyldyŋ ısı! Ärkımnıŋ öz şyndyǧy bolǧanmen, aqiqat bıreu! Advokattar men atsalysqandar da aqiqatqa adaspai jetıp, dürlıkken halyqtyŋ küptı köŋılın öz ornyna tüsıruın tıleimız.
Äbılda Aiaulym,
"Adyrna" ūlttyq portaly
