Şymkent qalasynyŋ äkımı Mūrat Äitenovtıŋ töraǧalyǧymen densaulyq saqtau jüiesın damytu perspektivalary boiynşa jiyn ötıp,
qalalyq Densaulyq saqtau basqarmasynyŋ basşysy R.Albaev 2020-2025 jyldarǧa arnalǧan densaulyq saqtau salasyn damytu josparyn ūsyndy.
Bes jyldyq damu jospary negızgı 4 baǧyt boiynşa jürgızıledı. Olar: medisinalyq kömek körsetudı jetıldıru, kadrlyq resurstardy damytu, qoǧamdyq densaulyq saqtau qyzmetın jetıldıru jäne densaulyq saqtau ūiymdarynyŋ infraqūrylymyn damytu.

«Nätijesınde ömır süru ūzaqtyǧy 75 jasqa deiın artady, ana ölımı 25,3 paiyzdan 7 paiyzǧa deiın tömendeidı, bala ölımı 8,7-den 6,9 paiyzǧa tömendeidı, jeke investisiialardyŋ ülesı 25%-ǧa deiın ūlǧaiady, insult ortalyǧynyŋ sany 4-ke jetedı, mekemeler 100 paiyz sifrlandyrylady» - dedı R.Albaev.Sondai-aq, medisina ūiymdarymen memorandum jasalyp, barlyq indikatorlar boiynşa baǧalau jürgızuge, ūiymdardy baqylap otyruǧa mümkındık bolatynyn jetkızdı. Josparda - onlain därıgerlık keŋes berudı damytu jäne halyqtyŋ densaulyq mäselelerı boiynşa sauattylyq deŋgeiın arttyru maqsatynda mobildı qosymşalardy paidalanu nazarǧa alynǧan.
Jiyn soŋynda söz alǧan Mūrat Düisenbekūly: «Josparda aitylǧannyŋ barlyǧyn ıske asyruǧa mümkındık bar. Densaulyq salasyna jetkılıktı qarjy bölınedı. Medisinalyq kömektıŋ sapasy men onyŋ qol jetımdılıgıne basa nazar audaru qajet. Sonymen qatar, halyqqa profilaktika, tüsındırme jūmystary köptep jürgızılsın. Jūmystardy körsetılgen merzımnen erte aiaqtaudy tapsyramyn» - dedı.
Şymkent