Äsem Almatynyŋ köz tartatyn demalys oryndary az emes. Sol qatarǧa juyrda taǧy bır jasyl baq qosyldy. Būrynǧy Almaty botanikalyq baǧyn qaita qalpyna keltıru jūmysytaryna Bolat Ötemūratov Qory 15 mln AQŞ dollaryn jūmsaǧan.
«Būl – qaiyrymdylyq joba. Onyŋ bastalu sätınen bastap bız üş negızgı prinsiptı basşylyqqa aldyq. Bırınşısı – baqtyŋ ösımdıkterıne kütıp qarau. Botanika jäne fitointroduksiia institutynyŋ qyzmketlerımen bırlesıp onyŋ jasyl qoryn saqtap qalu jäne köbeitu. Ekınşısı – şyn mänınde jaily ärı qauıpsız qoǧamdyq keŋıstık qūru üşın dizainynda, säuletınde jäne infraqūrylymdy josparlauda üzdık täjıribe men saraptaudy qoldanyp, ekologiialyq, joǧary sapaly qūrylys materialdaryn paidalanu. Üşınşısı – jobanyŋ aşyqtyǧy jäne eseptılıgı. Onyŋ ışınde, qoǧamdyq qarasturydy ötkızu men äleumettık jelıler arqyly qalanyŋ belsendı tūrǧyndarymen ärı ekologiialyq ūymdarmen qaita qūru jūmystary boiynşa dialog qūru», - deidı Bolat Ötemūratov Qorynyŋ direktory Marat Aitmaǧambetov.Būl künderı Bas botanikalyq baqqa megapolis tūrǧyndary men qala qonaqtarynan bölek şet elderden turister de kelude. Ösımdıkterdı qorǧauǧa basty nazar audarylǧan. Baqqa 174,3 myŋ jaŋa ösımdık otyrǧyzylylǧan. Onyŋ ışınde sirek türler men sūryptar – 1300-den astam jaŋa taldar (balqaraǧai, boz arşa, şie, alma, almūrt, qaraörık, emen, üieŋkı, qaiyn, jökenıŋ türlerı), 40 myŋ būta, 130 myŋ astyq tūqymdastar men köpjyldyq gülder, 3 myŋ rauşan gül, «Şantekler» almūrty, qyzyl japyraqty «Roial Red» üieŋkısı (Europanyŋ şekterınen tys tūŋǧyş ret otyrǧyzylǧan), magnoliianyŋ bırneşe sorty, Bonsai aǧaştary sekıldı ekskliuzivter otyrǧyzylǧan. Sondai-aq, jaŋartylǧan baqtyŋ şynaiy äşekeilerı bolǧan sakuralar da bar. Botanikalyq baqtyŋ aqyly qyzmetı mynadai: Eresekterge – 500 teŋge; Studentter men zeinetkerlerge — 500teŋge; Mektep oquşylaryna – 300 teŋge; Ekskursovod jaldau — 1000 teŋge; Studentter men zeinetkerlerge ekskursovod jaldau – 500 teŋge; Kino, video, foto tüsırılım – saǧatyna 5000 teŋge; Fotoapparatqa tüsu saǧatyna — 3000 teŋge; 1 adamǧa üilenu toiyna kelu – 1000 teŋge; Mümkındıgı şekteulı adamdarǧa, 5 jasqa deiıngı balalarǧa – tegın. Demalys orny saǧat 09:00-den 21:00-ge deiın qyzmet körsetedı. Keluşılerdıŋ qauıpsızdıgı üşın beine baqylau kameralary, joldy adaspai tabu üşın är qiylysta jol baǧdarlaryn anyqtaityn kartalar qoiylǧan. Bas botanikalyq baqtyŋ būrynǧy bır kıreberısınıŋ ornyna üş jaŋa kıreberıs pavilon tūrǧyzylǧan. Keluşıler baqqa Timiriazev köşesınen, «Atakent» körme ortalyǧynan, sondai-aq Äl-Farabi daŋǧylynan kıre alady. Barlyq pavilondar tabiǧi materialdardan jasalǧan. Elektrondyq bilettendıru jüielerı jäne turistık qoǧamdyq oryndarǧa tän infraqūrylym – kädesyi dükenderı, şaǧyn kafeteriiler, därethanalar ornatylǧan.
Gülvira Asqarqyzy,
"Adyrna" ūlttyq portaly
https://youtu.be/a2cw2j1uKNg
