İnfeksiialyq derttıŋ örşuıne bailanysty Şymkent qalasynda qosymşa 200 orynǧa arnalǧan provizorlyq stasionar aşyldy. Mūnda JRVİ jäne pnevmoniiamen küdıktı nauqastar em qabyldaidy. Stasionar aşylǧan alǧaşqy künnıŋ özınde jedel järdemmen jetkızılgen 20 nauqas jatqyzyldy.
Provizorlyq ortalyqqa medisinalyq ūiymdardan arnaiy mamandar şaqyrtylǧan. Sondai-aq, ökpesı zaqymdanǧan azamattardyŋ densaulyq jaǧdaiyn jaqsartu üşın ottegı balondaryn qoldanu mümkındıgı qarastyrylǧan.
Aita keteiık, Şymkentte būǧan deiın 1420 tösek-oryn aşylǧan bolatyn. Onyŋ ışınde 690 oryn infeksiialyq, 290 - karantindık, 440 provizor tösek-orny.
Bügınde Şymkent qalasynda jedel järdem qyzmetıne jügınetınderdıŋ sany artqan. Künıne 2000-ǧa deiın qoŋyrau tüsedı. Nauqastardyŋ denı JRVİ jäne pnevmoniia syndy jūqpaly aurularǧa şaǧymdanuda. Qolaisyz epidemiialogiialyq ahualǧa bailanysty medisina mamandary saqtyq şaralaryn küşeitu qajettıgın taǧy da eske salady.
Şymkent
