Juyrda ǧana ömırden ozǧan belgılı jurnalist Beisen Qūranbektıŋ anasy da bū düniemen qoştasty. Suyq habar äleumettık jelıde jeldei estı.
"Beisen Qūranbektıŋ tuǧan şeşesı dünieden ozdy degen suyq habar keldı. Qūranbek äuletıne Alla sabyr bersın! Aǧaidyŋ artynan anasy da attanypty. Aǧaiyn-tuystary, jek-jūraǧattaryna qaiǧyryp köŋıl aitamyz! Ana jürek toqtapty! Barşa Qūranbek äuletıne Alla ülken sabyr bersın", - dep jazdy feisbuk paraqşasynda jurnalist Ö.Äbdıhalyq.
Esbolat Aidabosyn: -Äi, senıŋ "Qatelıgıŋ" jaqsy boldy-ei, keşe künı boiy öz ömırımdegı qatelıkterdı jıpke tızdım. Sen sūrai qalsa ne dep jauap beremın sony oilandym. -- Sūhbat berseŋızşı onda?! -- Tört sūraǧyŋa bylai jauap berdım. Adamzattyŋ qatelıgı --adam bırınıŋ etın bırı jep jatyr. Qasqyr da qas qylmaidy joldasyna. Al, adam aŋnan beter jyrtqyş bop kettı. Ūlt qatelıgı -- auyzbırlık ketıp qaldy. Bırlesıp bır ıs qyla almaimyz. Bızdıŋ qatelık -- jauapkerşılıktı sezıne almadyq. Öz mındetımızdı tolyq atqara almadyq, senderge ülgı körsetıp ketuımız kerek edı, bastaryŋdy qosyp jolǧa salyp ketuımız kerek edı. Ökınışke qarai sony ıstei almadyq. Al, menıŋ qatelıgım -- bastan asady,-- dep qolymen töbesın körsettı. -- Eŋ bırınşı qatelıgım ne bılesıŋ be? --Joq. --Eŋ bırınşı qatelıgım äke-şeşemdı moiyndamaǧanym eken. Şal men kempırdıŋ balasy boldym. Mektepte jürgende atam qaitty. Ol kısı ketken soŋ "sen bızdıŋ üidıŋ balasy edıŋ" degen äŋgıme şyǧa bastady. Sol kezde men qyrǧyn saldym. Kädımgıdei şaiqastym. Barmai qoidym. Sonym qate bolǧan eken. Barmasam da "äke-şeşe" dep aita saluym kerek edı. Olarǧa sol ǧana kerek eken. Men sony aitpai qoidym ǧoi qyrsyǧyp, "köke, täte" dep kettım. Keiınnnen erjetıp, süiek qataiǧan soŋ qiyn bolady eken, aita almai qalady ekensıŋ. Aita almaǧan soŋ arada suyqtyq paida bolady eken. Osylaişa olar öz balalaryn "balam" dei almai, men öz anamdy "ana" dei almai qaldym. Būl menıŋ ömırımdegı bırınşı qatelıgım. P.S. Bır köŋılın sūrai barǧanda Beisen aǧam osylai dep edı. Bügın ömırge Beisendei ūldy äkelıp, bıraq enenıŋ qas-qabaǧyna qarap, köŋılıne kırbıŋ tüsırmeiın degen oimen "balam" dep emırene almai ketken Iаmaliǧa (Ziiaş) anamyz 73 jasynda baqilyqqa attanypty. Erteŋgı kün Beisaǧaŋnyŋ qyrqyna qamdanyp otyrǧanbyz. Saǧat 12.00 ge qūdaiy tamaq berıletın de edı. Amal ne, qaiǧy üstıne qaiǧy jamaldy. İmany joldas bolsyn!"Adyrna" ūlttyq portaly Qūranbek äuletınıŋ tuystaryna, qalyŋ qazaqqa qaiǧyryp köŋıl aitady.
