Şymkent aqparattyq-kommunikasiia ortalyǧynda qalalyq epidemiologiialyq jaǧdaiǧa bailanysty brifing öttı. Baspasöz mäjılısıne Şymkent qalasynyŋ äkımı Mūrat Äitenov, qalalyq Densaulyq saqtau basqarmasy basşysy Rustam Albaev, qalalyq Jedel järdem körsetu stansiiasy bas därıgerınıŋ orynbasary Şolpan Ospanova jäne jedel järdem därıgerı Arman Hamzin qatysty.
Brifingte eŋ alǧaş söz alǧan qala äkımı Mūrat Düisenbekūly qaladaǧy epidemiologiialyq jaǧdai jäne ony qalypqa keltıru barysyndaǧy jūmystar jönınde aitty.
– Qūrmettı qala tūrǧyndary! Respublikalyq deŋgeide Şymkent qalasy boiynşa türlı jaŋalyqtar jürıp jatyr. Iаǧni, Qaznette Şymkent qalasynda «nauqastar auruhana qaqpasyna jetpei qaitys bolyp jatyr jäne nauqastarǧa oryn joq» degen sekıldı aqparattar tarauda. Osy jönınde arnaiy tüsındırme bersem, bügınde qalada 650 infeksiialyq tösek-oryn bar. Onyŋ ışınde jūqpaly auruhanalarda 350, jaŋa salynǧan gospitalda 200 jäne Atameken provizorly stasionarda 100 oryn bar. Atalǧan eskı jūqpaly auruhanalar auruhanasynda 321 nauqas jatyr, gospitalda 172 jäne Atameken provizorly stasionarda 42 nauqas emdelude. Al jalpy 115 oryn bos. Odan bölek, qalada 1690 provizorly oryn bar. Onyŋ ışınde 1315-ınde nauqastar em aluda, qalǧany bos. Iаǧni, provizorly oryndardyŋ 77%-y paiyzy tolyp tūr. Sol sebeptı bügın 500 provizorly oryn aşamyz. Al jeksenbı künı 200, düisenbı künı 500 provizorly oryn aşylady. Sondai-aq, 51 mekemede 628 tösek-oryndyq kündızgı stasionar aştyq. Onyŋ 248-ı bos. Atalǧan kündızgı stasionardaǧy bır oryn künıne 5 adamdy qabyldai alady. Al jūmys uaqyty taŋǧy 08:00-den keşkı 20:00-ge deiın (demalyssyz) ısteidı. Aita keteiın, osy kündızgı stasionarlarda nauqastar tırkelgen emhanasy boiynşa tegın emdeledı. Halyqqa der kezınde medisinalyq kömek körsetu üşın emhanalardyŋ jūmysyn ekı ese küşeitemız, – dedı qala äkımı.Al Şymkent qalalyq Densaulyq saqtau basqarmasy basşysy Rustam Albaevtyŋ aituynşa, qalada koronavirus infeksiiasymen auyryp jatqan 2084 nauqas tırkelgen. Onyŋ 45 paiyzy – simptomsyz. Provizorly stasionarlardyŋ tösek qory 89 paiyzǧa jüktelgen. Al därı-därmektıŋ ekı ailyq qory bar. Brifing soŋynda söz alǧan qala basşysy Mūrat Düisenbekūly qazırgı kezde medisina mamandaryna jüktelgen mındettıŋ auyr ekendıgın alǧa tartyp, tynymsyz eŋbek etıp jatqan mamandardyŋ jūmysyna tüsınıstıkpen qarauǧa şaqyrdy. Eŋ bastysy, qolaisyz epidemiologiialyq jaǧdaiǧa bailanysty tūrǧyndarǧa saqtyq şaralaryn qataŋ ūstanu qajet ekendıgın eskerttı.
Şymkent
