Reseı túrmesinde 24 tájikstandyq ashtyq jarııalady

2160
Adyrna.kz Telegram

Mordovııada abaqtydan shyǵyp, biraq qaıtadan ýaqytsha tergeý ızolıatoryna qamalǵan Tájikstannyń 24 azamaty ashtyq jarııalady.

Sáýir aıynda olardyń qamaýdaǵy merzimi aıaqtalyp, biraq koronavırýs pandemııasynan keıin Tájikstanǵa jóneltilmeı qalǵan.

"Tájik jáne orys bıliginiń tıisti organdaryna narazylyq bildirip, ashtyq jarııalap jatqanymyzǵa eki kún boldy, tek sý iship jatyrmyz. Munda jaǵdaı máz emes. Elshilik Reseıdiń federaldyq mıgraııa qyzmeti bılet satyp alyp berip, deportaııalaıtynyn aıtqan", - deıdi Ilhomjon Zarıfov esimdi tájik azamaty.

Tájikstannyń Reseıdegi elshiligi bul jaǵdaıdan habardar ekenin, ólke azamattary múmkindik bolǵanda birden eline jiberiledi dedi.

Keıbir málimetke qaraǵanda, Mordovııadaǵy túrmelerde myńǵa jýyq tájikstandyq qamaýda otyr. Olardyń birazy túrme qyzmetkerleri tarapynan zorlyq-zombylyq kórgenin aıtyp shaǵymdanǵan. Jalpy Reseıdiń resmı aqparatyna sáıkes, el aýmaǵynda sottalyp, túrmede otyrǵan tájik azamattarynyń sany 10 myńǵa jetedi.

Centralasia

Pikirler