Qataŋ rejimdegı karantin kerek pe? Älde oǧan jūmsalatyn qyruar qarjyny halyqty saqtandyru, aurudyŋ aldyn alu baǧytyndaǧy aqparattandyruǧa, auyrǧan azamattardy tez sauyqtyruǧa (sport keşenderı men qonaqüilerdı emhanaǧa ainaldyryp, kerek qūraldarmen jabdyqtauǧa, otandastarymyzdy qajettı därı-därmekpen qamtamasyz etuge) jūmsaǧan tiımdı me?
Karantin kezınde aqparattandyru boiynşa tolyqtai ūtyldyq. Halyqtyŋ köpşılıgı tıptı kovidtıŋ bar ekendıgıne kümänmen qarady. Sondai-aq, bölıngen qyruar qarjyny da tiımdı paidalana almadyq. Nätijesı nöl. Demek qarjy dalaǧa, sai-salaǧa kettı. 42500 teŋgenı taratu kezınde de halyqtyŋ köptep şoǧyrlanuyna jol berdık. Medisinamyzdyŋ müldem daiyn emestıgın körıp otyrmyz. Azamattarymyzdy emdeu bylai tūrsyn, aqyly bolsa da test tapsyra almai otyr. Tapsyrǧandary nätijesın bıle almai jatyr. Auyruhanadaǧy jaǧdaidy aitpai-aq qoiaiyn.
Menıŋşe qataŋ karantin qajet emes. Halyq onsyz da barynşa saqtanuǧa daiyn. Odan körı aqparattandyruǧa, auyrǧan azamattarymyzdy tezdetıp sauyqtyruǧa köŋıl bölu kerek. Qarjyny kerek därı- därmektı barynşa arzandatuǧa, jyldam ärı arzan test tapsyru mümkınşılıgıne, medisinalyq qajettı qūral-jabdyqqa bölu kerek.
Qairat Joldybaiūlynyŋ Feisbuk paraqşasynan
