"Adyrna" ūlttyq portalynda Ekıbastūz qalasy äkımınıŋ orynbasary Nefedovaǧa qatysty bırneşe maqala şyqty. Bız ädettegıdei qarsy taraptyŋ aitar uäjıne de söz beretınımızdı mälımdeimız. Būl joly «Ekıbastūzdaǧy on bes myŋnyŋ «jyry» maqalasyna terısteu jauap keldı. Hatty sol küiı ūsynyp otyrmyz.
Terıske şyǧaru talaby
«Adyrna» ūlttyq portalynda 2020 jyldyŋ 29 mausymynda Asuan Taijannyŋ atynan jariialanǧan «Ekıbastūzdaǧy on bes myŋnyŋ «jyry»» atty basylymynda aqiqatqa janaspaityn aqparatty Qazaqstan Respublikasynyŋ «Būqaralyq aqparat qūraldary turaly" Zaŋynyŋ 19-babyna, sondai-aq QR QK 130-babyna säikes terıske şyǧarudy jäne tömendegı aqparatty jariialauyŋyzdy sūraimyz (jauabymyz):
- Ile, sol jyldyŋ qazan aiynda, Abai esımıne ie bolǧan osynau mektepte ūly aqynnyŋ (2020 jyly atalyp ötuge tiıs) mereitoiyna arnalǧan halyqaralyq konferensiia öttı. Būl özı aty «halyqaralyq» bolǧanymen, zaty beimälım şara boldy. Beimälım deitınımız, Ekıbastūz qalalyq bılım bölımınıŋ resmi paraqşalarynda būl şara bırese «festival», bırese «halyqaralyq konferensiia» bolyp jazyldy. Festival men konferensiia ekeuı ekı türlı närse.
2019 jyldyŋ qazan aiynda Ekıbastūz qalalyq bılım bölımınıŋ rūqsaty boiynşa Solnechnyi kentınde ornalasqan Abai atyndaǧy №28 mektepte İnnovasiialyq Euraziia universitetınıŋ Bılıktılıktı arttyru institutynyŋ pedagog mamandardyŋ bılıktılıgın arttyru josparyna säikes «Abai Qūnanbaevtyŋ 175 jyldyq mereitoiyna arnalǧan «Halyqaralyq pedagogikalyq ideialar festivalı: Abaidyŋ gumanistık oilary qazaqstandyq bılım berudıŋ negızı retınde» atty halyqaralyq festival ötkızıldı. Ras, 2020 jyl - Abaidyŋ 175 jyldyq mereitoiy, säikesınşe üstımızdegı oqu jylyndaǧy ıs-şaralar josparynda Ūly aqynǧa arnalǧan şaranyŋ ekı-üş ai būrynyraq qamtyluynyŋ eş sökettıgı joq dep esepteimız.
Būl özı aty «halyqaralyq» bolǧanymen, zaty beimälım şara boldy. Beimälım deitınımız, Ekıbastūz qalalyq bılım bölımınıŋ resmi paraqşalarynda būl şara bırese «festival», bırese «halyqaralyq konferensiia» bolyp jazyldy.
Şaraǧa «halyqaralyq» atau berıluıne sebep bolǧan - şetelden kelgen ǧalymdar. Qazırgı kezde bılım salasynda bolyp jatqan jaŋalyqtarmen öz oilaryn bölıse kelgen şeteldık ärıptesterımızdıŋ keluı şaranyŋ mazmūnyn aşty dep oilaimyz. Şetelden kelgen ädısker ǧalymdaryŋ sany – 5 adam.
Festival dep atauymyzdyŋ sebebı: festival aiasynda ǧylymi jūmystar ǧana emes, sondai-aq, oquşylar men mūǧalımder tarapynan daiyndalyp äkelıngen türlı taqyryptaǧy jobalar, şyǧarmaşylyq jūmystar/esepter, robotehnika seksiiasy jūmystary, än-küi/sahnalanǧan şyǧarmalar, Abai öleŋderın mänerlep oqu saiystaryna qatysty jūmystar tyŋdalyp baǧalandy. Atalǧan saiystardyŋ qorytyndylary boiynşa ädılqazylar alqasy sol künı aldyn ala daiyndalyp äkelıngen diplomdarmen jeŋımpazdardy marapattady.
Jalpy, kez kelgen esı dūrys konferensiia öter aldynda aqparattyq hat taratylady. Onda jarnanyŋ somasy körsetılıp, töleitın rekvizitterı jazylady. Sodan soŋ qatysuşynyŋ qolyna ne berıletını jazylady.
Jylyna 1 ret ötkızıletın osyndai därejedegı ıs-şara aldyn ala aqparattyq hattardy taratumen ūiymdastyrylady. Atalmyş şaranyŋ aqparattyq haty öz kezegınde 30 qyrküiekten bastap barlyq audandyq, qalalyq bılım bölımderı men mektepterge jıberıldı.Dälel qaǧazdary bar.
Şaraǧa qatysu üşın mūǧalımder qauymynan, anyqtasaq, mūǧalım basynan 15 myŋ teŋgeden jarna jinaldy. Jäne bılgenımız, Ekıbastūz öŋırınen (basqa aimaqtan kelgenderdı aitpaǧanda) konferensiiaǧa qatyspai, jarna tölemei qalǧan mūǧalım kemde-kem. Qatysu jarnasy nege osynşama köp, ondai aqyny kım belgıledı – älde Bılım jäne ǧylym ministrlıgı me eken? Bız osyny bılgımız keledı. Jergılıktı mūǧalımderdıŋ aituynşa, är qatysuşyǧa (on bes myŋdy töleuşıge) bes türlı sertifikat berıledı dep uäde etılıptı. Bıraq beseu tūrmaq bıreuıne de qoly jetpei, aqşasy dalaǧa ketkender köp. Olar konferensiiaǧa qatysqan-qatyspaǧanyn nemen däleldeitının bılmei dal.
İnEU basşylyǧy tarapynan bekıtılgen baǧasy körsetılgen qūjat bar.
Ädette müiızı qaraǧaidai universitetter ūiymdastyratyn halyqaralyq konferensiiaǧa qatysu jarnasy 5 myŋ teŋgeden aspaidy. Öitkenı mūǧalımderdıŋ millioner emes ekenı jalpaq jūrtqa beseneden belgılı.
Är sertifikatty jeke şaqqanda 1 sertifikat qūny 3 myŋnan aspaidy. Onyŋ ışınde halyqaralyq sertifikat ta bar.
Şaraǧa qatysqan mūǧalımder men oquşylardyŋ barlyǧy arnaiy jurnalǧa tırkelıp, qatysuşylar tızımıne säikes būiryq şyǧaryldy (būiryq №1542-04/189, 18.10.2019j.) Şaraǧa qatysamyn dep tırkeu jurnalyna (tırkeu jurnaly mūǧalımderge jeke, oquşylarǧa jeke arnalǧan) engızılgen mūǧalımder men oquşylardyŋ barlyǧy būiryqqa engızıldı. Būiryq №1542-04/189, 18.10.2019j. Osy būiryq negızınde barlyq mūǧalımderge 4 sertifikattan taratyldy. Al 5-şı sertifikat dep tūrǧany – ol jūmystardyŋ nätıijesı boiynşa sol künı ädılqazylar tarapynan belgılengen I, II, III därejelı diplom.
Şaraǧa qatysqan mūǧalımder men oquşylardyŋ materialdary boiynşa jinaq şyǧaryldy. Jinaq öz aldyna. Aita ketetın jait, jinaq bırden daiyn bola almaidy, sebebı jinalǧan materialdar tekserıledı, tüzetıledı, baǧyttary boiynşa toptastyrylady.
Jarna qataŋ türde bank arqyly qabyldanyp, soŋynan qatysuşyǧa mındettı türde Alǧys hat (nemese sertifikat) berıledı.
Qatysuşylardyŋ bank arqyly tölengen jarnalary turaly qūjattar (kvitansiia/chek jäne chek nömerılerı jazylǧan tızım) İnnovasiialyq Euraziia universitetınıŋ esep bölımıne tapsyryldy.
Sonymen qatar, qaǧaz nemese elektrondy türde jinaq şyǧuy kerek. Halyqaralyq dep «en» taǧylǧan konferensiiada ondai jinaq mındettı türde boluy kerek.
Jinaq şyqty, elektrondy jäne qaǧaz türınde bar.
Solnechnyi mektebınıŋ aldynda (ışınde) ornalasqan üstelde otyrǧan tırkeuşılerge bere salǧan.
Qatysuşylardyŋ qoldary qoiylǧan tırkeu jurnaly bar.
Olai bolsa, olardan tüsken aqşany şaranyŋ basy-qasynda jürgen bılım bölımı basşysynyŋ «bas aqylşysy» Natalia Nefedova (Ekıbastūz qalasy äkımınıŋ orynbasary), Ekıbastūz qalalyq bılım bölımınıŋ basşysy Jazira Hamzabaeva jäne İnnovasiialyq Euraziia universitetıne qarasty pedagog mamandar bılıktılıgın arttyru ortalyǧynyŋ direktory Maijan Şakarmanova qaida jıberdı eken? Ūiymdastyruşylar tızımınde tūrǧan QR Kışı ǧylym akademiiasynyŋ enşısıne neşe teŋge jūmsaldy?
Halyqaralyq festivaldıŋ sättı ötuıne atsalysqan otandyq ǧalymdardy atap ötkımız keledı. Olar QR Kışı ǧylym akademiiasy bedeldı ǧalymdary men qyzmetkerlerı. Olarǧa eşqandai qarajat bölıngen joq, jyl saiyn bolatyn halyqaralyq şaralarǧa öz ülesterın qosqandary bolmasa, atap aitqanda, Satylai keşendı oqytu tehnologiiasynyŋ avtory N.A.Orazahynovanyŋ tıkelei qatysuymen mūǧalımder arasynda da, oquşylar arasynda da olimpiadalar ötkızıldı.
Ūiymdastyruşylardyŋ bırı retınde atalǧan İnnovasiialyq Euraziia universitetınıŋ resmi saitynan osy konferensiia turaly tolyqqandy aqparat nazarymyzǧa ılıkpedı. Qaita ūiymdastyruşy tarap ony el nazaryna tüsırmeuge, jyldam ūmyttyryp jıberuge tyrysqandai körındı...
Käsıbi qoǧamdastyq aiasynda jūmys jasap jürgen pedagog mamandar «Halyqaralyq pedagogikalyq ideialar festivalı: Abaidyŋ gumanistık oilary qazaqstandyq bılım berudıŋ negızı retınde» atty halyqaralyq festivaldyŋ maŋyzdylyǧyn joǧary baǧalaǧan. Halyqaralyq festival barysynda talqylanǧan pedagogikalyq ideialar turaly aimaqtyq bılım beru keŋıstıgınde jaǧymdy pıkır qalyptasty. Maqalalar şyqty. Mongoliiadan kelgen Q.Jylqaidardyŋ jeke paraqşasynda da jazylǧan.
http://ineu.kz/anonsy/292-programma-mezhdunarodnogo-festivalja-mezhdunarodnaja-tribuna-pedagogicheskih-idej-gumanisticheskie-idei-abaja-kak-osnova-kazahstanskogo-obrazovanija-posvjaschennyj-175-letiju-velikogo-abaja.html
http://ineu.kz/novosti-i-sobytija/459-v-jekibastuze-dan-start-prazdnichnym-meroprijatijam-posvjaschennym-prazdnovaniju-175-letija-velikogo-pojeta-abaja-kunanbaeva.html
https://m.facebook.com/story.php?story_fbid=2122326514535725&id=100002751919748
Taǧy bır baiqap qalǧanymyz, osy universitetke qarasty pedagog mamandar bılıktılıgın arttyru ortalyǧynyŋ direktory Maijan Şakarmanova anda-mynda jyltyŋdap aqyly seminar ötkızuge daǧdylanǧan eken...
Mūǧalımderdıŋ, mektep basşylarynyŋ, audandyq nemese qalalyq bılım bölımderınıŋ sūranysy boiynşa bılıktılıktı arttyru kursy, seminar, treningterdı ötkızu – bükıl älemdık täjıribe. Aimaqtyq bılım beru ūiymdarynyŋ pedagog mamandary üşın de, şeteldık ärıptesterımızdıŋ sūranysy boiynşa da atalmyş kurstardy ötkızıp jürmız (Mäskeu, Stambul, Baku, Ufa). Būl jūmysty ūiymdastyryp jürgenımız bıreulerge basqaşa körıngenı ökınıştı-aq!
Tek bızge būdan būrynǧydai «öittı-büittı» degen syldyr sözben jazylǧan jauap emes, bank anyqtamalary, tübırtekter, tırkeu jurnaly, şyqqan jinaqtyŋ fotosy, ūiymdastyruşy taraptyŋ jarnany 15 myŋ teŋge etıp belgıleu sebebın aiǧaqtaityn hattama, kelgen-ketken qonaqtardyŋ biletterı, as-suynyŋ şyǧynyna jūmsalǧan qarajat anyqtamalary siiaqty nyq qūjattardyŋ köşırmelerı kerek! Atalǧan qūjattar köşırmesı, iaǧni fotosuretterı keşe 29.06.2020j. jıberıldı.
Qūrmettı «Adyrna» portalynyŋ redaksiiasy, İnEU BJİ jūmysyn negızsız aiyptap otyrsyzdar, atalmyş maqalanyŋ mazmūnyna bailanysty köp kelıspeuşılıkterımız bar. Jazylǧan barlyq jaittar negızsız.
İnEU, Bılıktılıktı jetıldıru institutynyŋ direktory M.P.Şakarmanova
