AQSh senatorlary Toqaevtan Maks Boqaev pen Áset Ábishevti bosatýǵa úndedi

3083
Adyrna.kz Telegram

AQSh kongresiniń 12 senatory Qazaqstan prezıdenti Qasym-Jomart Toqaevqa hat jazyp, "sóz erkindigi men jınalý erkindigine quqyǵyn paıdalanǵany úshin" sottalǵan belsendiler men adam quqyǵyn qorǵaýshylardy dereý túrmeden bosatýdy surady. Bul týraly "Adyrna" Centralasia.org portalyna silteme jasap habarlaıdy.

Senatorlar hatynda azamattyq belsendiler Maks Boqaev pen Áset Ábishevti atap kórsetken.

"Adamdar beıbit jınalý, toptarǵa birigý, oı-pikirin bildirý erkindigine quqyǵyn paıdalanǵany úshin eshqashan sottalmaýy tıis. Biz sizdi osyndaı zańdy áreketteri úshin sottalǵan azamattaryńyzdy bosatýǵa shaqyramyz" dep bastalǵan senatorlar haty.

AQSh zań shyǵarýshylary atalǵan azamattardy COVID-19 pandemııasyna baılanysty dereý shyǵarý kerek dep sanaıdy. Olardyń sózinshe, túrmede vırýsty juqtyrý qaýpi joǵary, al jazasyn óteýshilerdi erterek shyǵarý koronavırýstyń taraýyn toqtatýǵa kómektesedi.

Atyraýlyq belsendi Maks Boqaev 2016 jylǵy jer mıtıngisine qatysqannan keıin bılik ony "áleýmettik arazdyq týdyrdy", "jalǵan aqparat taratty" jáne "mıtıng ótkizý zańdaryn buzdy" degen aıyppen bes jylǵa sottaǵan.

Almaty turǵyny Áset Ábishev Qazaqstanda sot sheshimimen tyıym salynǵan "Qazaqstannyń demokratııalyq tańdaýy" (QDT) qozǵalysyna qatysy bar degen aıyp boıynsha 2018 jyly tórt jylǵa sottalǵan. 2019 jyly 13 aqpanda apellıaııa soty úkimdi ózgerissiz qaldyrǵan. Burynǵy bankır, qýǵyndaǵy oppozıııalyq saıasatker Muhtar Áblıazov jetekshilik etetin QDT-ny Qazaqstan soty "ekstremıstik uıym" dep tanyǵan. Eýroparlament 2019 jylǵy rezolıýııasynda bul uıymdy "beıbit oppozıııalyq qozǵalys" dep ataǵan. Quqyq qorǵaýshylardyń sarapshylar keńesi byltyr Áset Ábishevti Qazaqstannyń saıası tutqyndar tizimine qosqan.

Prezıdent Toqaevqa AQSh senatory demokrat Bob Menendes jazǵan hatqa respýblıkashyl senatorlar Mıt Romnı men Tom Tıllıs jáne demokrat senatorlar Dık Dýrbın, Rıchard Blýmental, Rodjer Ýıker, Bob Keısı, Kırsten Djıllıbrand, Sherrod Braýn, Patrık Lehı, Ben Kardın jáne Krıs Van Hollen qol qoıǵan.

Dál osyndaı hat Ortalyq Azııanyń ózge úsh eli – Túrkimenstan, Ózbekstan men Tájikstan prezıdentterine jiberilgen.

Pikirler