Şymkent qalasynda epidemiologiialyq jaǧdaidy retke keltıru jäne koronavirustyq infeksiianyŋ keŋ taraluyn boldyrmau maqsatynda nauqastarǧa qajettı medisinalyq kömek körsetılude.
Osy oraida, Şymkenttegı Jeŋıl atletika sport keşenınıŋ ǧimaratynan aşylǧan 600 oryndyq provizorly ortalyqta därıgerler em qabyldauşylarǧa şūǧyl kömek qolyn sozuda. Mūnda qala aumaǧyndaǧy barlyq emhanalardan bılıktı därıgerler şaqyrylǧan. Därı-därmek tegın.
Būǧan deiın qaladaǧy «Samal-3» şaǧynaudanynda jaŋa mektepten - 400 oryndyq, Politehnikalyq kolledjınen - 400 oryn, ŪOS ardagerlerı ortalyǧynan 100 oryndyq provizorly oryndar aşylǧan edı. Sondai-aq, tūrǧyndarǧa kömektesetın «iKomek» ortalyǧy aşyldy. Jedel jelıde kündız-tünı tūrǧyndardyŋ qoŋyraularyna jauap berıledı. 109 nömırıne qoŋyrau şalǧandar qazırgı epidemiologiialyq jaǧdaiǧa bailanysty saualdaryna jyldam jauap ala alady. Sonymen qatar iKomek ortalyǧynyŋ 87777109109 vatsap nömırı de tūrǧyndar üşın täulık boiyna qyzmet etedı.
Aita keteiık, qala äkımı M.Äitenovtıŋ tapsyrmasyna säikes, şaharda bügınge deiın barlyq medisinalyq qūral-jabdyqtarmen qamtylǧan 3320 provizorly oryn aşyldy. Oǧan qosa qalada 51 kündızgı stasionar jūmys ısteude. Būl rette, nauqastarǧa kömek körsetu ekı esege küşeidı. Bügıngı taŋda Şymkent qalalyq Tauarlar men körsetıletın qyzmetterdıŋ sapasy men qauıpsızdıgın baqylau departamentı ökılderı qala därıhanalaryndaǧy halyq sūranysyna ie 77 därı türlerınıŋ baǧasy jäne olardyŋ jetkızıluı boiynşa kündelıktı monitoring jasauda. Nätijesınde, därıhanalarda därı-därmek qory jetkılıktı ekenı anyqtaldy.
Şymkent
