Bügın Şymkent qalasy äkımdıgınde Şymkent qalasy Tabiǧi resurstar men tabiǧat paidalanudy retteu basqarmasynyŋ basşysy Ahmet Tatybaevtyŋ qatysuymen atqarylǧan jūmystar jäne josparlar boiynşa brifing öttı.
Baspasöz mäjılısınde Ahmet Ötegenūly atalǧan basqarmanyŋ 6 ailyq jūmysyn qorytyndylap, aldaǧy josparlary jaily aitty.
– 2020 jyly qorşaǧan ortaǧa emissiia üşin tölemder tüsımı 975,916 mln teŋge kölemınde josparlanyp, osy jyldyŋ 5 aiynda naqty öndırılgen tölemder 440,5995 mln teŋgenı qūrady. Iаǧni, jyldyq jospar 45,15 paiyzǧa oryndaldy. Al alty ai qorytyndysynda būl körsetkıştı 50 paiyzdan asyramyz dep otyrmyz. Qazırgı taŋda bızdıŋ basqarmaǧa qaraityn «A.Asqarov atyndaǧy Şymkent memlekettık dendrologiialyq saiabaǧy» men «Jasyl beldeu» mekemesı bar. Özderıŋızge mälım, bügınge deiın «Dendrosaiabaǧynyŋ» jaǧdaiy müşkıl bolǧan. Saiabaqta 1979 jyly 560 aǧaş türı bolsa, būl künde 200-dei ǧana aǧaş-būta türı qalǧan. Iаǧni, «Qyzyl kıtapqa» engen aǧaş türlerı de bar. Osy olqylyqtardyŋ ornyn toltyryp, bügıngı taŋda aǧaş türın 350-ge jetkızdık. Aldaǧy ekı jyldyŋ ışınde būl körsetkıştı 560-qa jetkızemız. Odan bölek, biyl saiabaqta basqa da jūmystar jürgızılude. Atap aitsaq, velojol töselıp, 673 jaryq beruşı qoiudamyz. Mūny jyl soŋyna deiın aiaqtaimyz dep otyrmyz. Sondai-aq, äbden tozyǧy jetken suǧaru jüiesıne qarjy bölınıp, suǧaru jüielerı tolyq ornatylady», – dedı basqarma basşysy. Atalǧan brifing barysynda A.Ötegenūly basqarmaǧa qarasty «Jasyl beldeu» mekemesı jaiynda söz qozǧady. – «Jasyl beldeu» – qalamyzdyŋ ökpesı. Sol sebeptı būl qala äkımınıŋ qataŋ baqylauynda. Jospar boiynşa 2025 jylǧa deiın qalanyŋ syrtyndaǧy jasyl beldeu tolyǧymen oryndalady. Mūnyŋ barlyǧy Ükımettıŋ qaulysymen şahardyŋ damu josparyndaǧy 85-tarmaǧynda bekıtılgen. Osy oraida atqarylǧan jūmysymyzdyŋ bır bölıgın jetkıze ketsem, Dostyq möltek audany, Aqbosaǧa köşesındegı 900 m jol boiyna otyrǧyzylǧan aǧaştarǧa kütıp-baptau jūmystary jürgızıldı. 1600 dana rauşan gülderı, 300 dana bozarşa, 773 dana jai japyraqty aǧaştarynyŋ tübın qopsytyp, suǧaru şūŋqyrlary jasalyp jäne aǧaştar suǧaryldy. Sondai-aq, osy jyly orman jäne dala alqaptarynda ört eŋ köp bolatyn jerlerge qosymşa 2 beket ūiymdastyryldy», – dedı A.Tatybaev.Brifing soŋynda basqarma basşysy Şymkent qalasy boiynşa atmosferalyq auanyŋ jai-küiı jönınde halyqty habardar etudı qamtamasyz etu maqsatynda qalalyq biudjetten qarjy bölınıp, 2 dana LED ekrandy ornatu üşın qala aumaǧynan jer uchaskelerın räsımdeu jūmystary jürgızılıp jatqanyn jetkızdı. Aita keteiık, osy jyldyŋ alty aiynda «A.Asqarov atyndaǧy Şymkent memlekettık dendrologiialyq saiabaǧyna» 101 578 demaluşy kelgen. Nätijesınde, jergılıktı biudjetke 2 803 225 teŋge salyq tölengen. Saiabaqqa kıru aqysy – 26,51 teŋge. Eskertetın jait, karantin rejimı saqtaluyna bailanysty saiabaqta ūsynylatyn aqyly qyzmet türlerı jürgızılıp jatqan joq.
Şymkent
