Älemdı jailaǧan ındet qazaqstandyqtarǧa oŋaiǧa timei tūr. Därıhanalardyŋ aldy kezek, därı tapşylyǧy baiqalady. Densaulyq saqtau ministrlıgındegıler «därı osy aptanyŋ aiaǧynda tolyq tüsedı» dep otyr. Bıraq...
Halyq ındetten qūtyludyŋ barlyq jolyn özderı qarastyruda. Tıptı köpşılıgınde ürei bar. Ony joqqa şyǧara almaimyz. Sondyqtan aldyn ala därı satyp alyp jatyr.
Memlekettık kırıs departamentı mamandarynyŋ derekterıne qaraǧanda, soŋǧy 14 künde Qazaqstan halqy 10 milliard teŋgege därı men ärtürlı preparattar satyp alǧan. Bıraq kırıs departamentınıŋ mamandary «būl sifr odan da köbırek. Öitkenı köptegen därıhana basşylary qazırgı uaqytta därınıŋ köp satyluyna bailanysty tabysyn tiıstı oryndardan jasyryp otyr» degen pıkırde.
Qazırgı uaqytta Qazaqstan boiynşa 3,5 myŋ därıhananyŋ ǧana kassalyq apparattary bar. Al qalǧandarynda därını satu qolma qol arqyly jüzege asyrylady. Sondyqtan därıhanadaǧylar tüsken tabysty tym tömendetıp körsetedı. Keibıreulerınde kassalyq apparattar joq bolsa da, jūmysyn jalǧastyra beredı. Mūndai jaǧdaida ärine künıne qanşa tabys tüsetının anyqtau qiynǧa soǧady.
Memlekettık kırıs departamentı mamandary «bügıngı taŋda Qazaqstandaǧy därıhanalardyŋ 60 paiyzy ǧana zaŋdyq tūrǧyda tabysyn tolyqqandy körsetedı. Būl şamamen alǧanda 2 myŋdai ǧana därıhana» degendı aityp otyr.
Erkın Qaldan, «Adyrna» ūlttyq portaly
Ūqsas jaŋalyqtar
