Elımız aman bolsyn dep bastaiyq sözımızdı. El ışınde Sız ben Bız, el tızgının ūstaǧan azamattar aman bolsyn.
Osydan üş jyl būryn nemıs jerıne jolym tüstı. Berlinnen Drezden qalasyna asyqqan jürdek poezda kele jatyrmyn. Bır özım. Bıraq qazaqpyn.Janymdaǧylar ana tılınde, men siiaqty şetten kelgender aǧylşyn tılınde söilesıp keledı. Tıl bılmegen soŋ ormandy alqapty közben ūzatyp otyrmyn.Bır kezde janymda otyrǧan reŋı vetnamdyqtarǧa keletın egde äiel men jas jıgıt "qai eldensıŋ"degendı öz tılınde söilep, qimylymen aŋǧartty. QAZAQSTANNAN dedım, qazaqşalap."Kazakstan,Nazarbaev, Nazarbaev" dep rizaşylyq bıldıretın ızetterın körsetıp, ezulerıne külkı jügırıp qauqyldasty da kettı. Qoldarymen taulardyŋ, adamdardyŋ sūlbasyn salyp, basbarmaqtaryn şoşaityp mäz bolǧany.Aidalada jalǧyzsyrap kele jatqanda mynadai tanys sözderdı estıgende menıŋ de jüregım jarylyp kete jazdady. Älem "menıŋ Qazaqstanymdy, menıŋ elbasymdy tanidy eken ǧoi" degen oidan jüregımdı maqtanyş sezımı kernei jöneldı. Şetelge barǧanda Qazaqstannyŋ tuynyŋ beinesı basylǧan kiımın kiıp, jalauşasyn ala jüru kerek eken ǧoi degen oi keldı. Qazır sol jalauşany syilasam ǧoi mäz bolar edı. Drezdenge osylai qazaq bolǧanyma maqtanyp ǧajap köŋıl küimen jettım.
Bızde memlekettık baǧdarlama barşylyq qoi. Jūmys barysynda solardyŋ ışınde äleumettık baǧdarlamalardy qaita-qaita oqyp tūramyn.Köpşılıkpen kezdesuge barǧanda, bolmasa jurnalissıŋ ǧoi dep bıreu sūrap qalsa "auzymdy qūr şöppen sürtıp" tūrmaiyn dep. Al, Elbasynyŋ "Ruhani jaŋǧyru" men "Ūly Dalanyŋ Jetı Qyry" baǧdarlamalyq maqalalaryn künde oqimyn. Syzyp-syzyp oqyp otyryp qazaq bolǧanyma maqtanyp alamyn, senbeseŋız Sız de oqyŋyz. Jerıŋızdıŋ tūnǧan tarih, elıŋızdıŋ örkeniettıŋ aldynda jürgenın köŋılge tüiıp ǧajap bır küi keşesız. Eger osy baǧdarlamalyq maqalalarda aitylǧan tapsyrmalar oryndalsa bız qazaqy RUHTY tegeurındı Memleketke ainalamyz.Ol üşın maqalalarda aitylǧandy är azamat ömır süru saltyna ainaldyru kerek, sonda är azamattyŋ sanasynda sılkınıs bolady. Jalpy memlekettık baǧdarlamalar halyqqa arnalǧan. Al, halyq özıne arnalǧandy bılu kerek. Söz soŋynda bügıngıdei El men Elbasy turaly köp aitylatyn kündı paidalanyp, eldı Elbasynyŋ baǧdarlamalyq maqalalaryn qaita oqyp şyǧuǧa şaqyrar edım.
Al, Elbasynyŋ bastauymen salynǧan Elorda Qazaqstan memleketınıŋ QARAŞAŊYRAǦY. Qaraşaŋyraq QAZAQTYŊ QASİETTISI.
Elbasynyŋ mereilı jasy men Elorda künı sanaǧa sılkınıs äkelgen, qūtty qadam bolsyn, elımızge.
Jaqsylyqty,QUANYŞTY köbeite bereiık.
Beisenkül Narymbetova,
"Serpılıs" qoǧamdyq qorynyŋ töraiymy, "Qyzmet" gazetınıŋ Bas redaktory
