6 shilde elorda kúnine oraı «Qazaqstan» Ulttyq telearnasy «Elorda ákimderi» atty jańa derekti fılm túsirdi.
Qazaqstannyń astanasyn 20 jyldan astam ýaqyt ishinde 8 ákim basqardy jáne olardyń barlyǵy qala tarıhynda óz qoltańbasymen erekshelendi. QR Tuńǵysh Prezıdenti - Elbasy N. Á. Nazarbaev senim artqan saıası tulǵalardyń barlyǵy bas shahardyń qalyptasyp damýyna óz úlesin qosty. Derekti fılmde qalany ár jyldary basqarǵan Ádilbek Jaqsybekov, Temirhan Dosmuhambetov, Ómirzaq Shókeev, Asqar Mamın, Imanǵalı Tasmaǵambetov, Áset Isekeshov, Baqyt Sultanov jáne qalanyń qazirgi ákimi Altaı Kólginov Elbasynyń qala bıligin senip tapsyrǵan sátin eske alyp, el astanasynyń qaryshtap damýy úshin júktegen mindettemeleri týraly bólisedi.
Baǵdarlamada ár basshynyń tusynda júzege asqan jobalar men aıtýly oqıǵalar keńinen qamtylady jáne sol arqyly Elbasy N.Á. Nazarbaevtyń eńbegi men Qazaqstan astanasyn álemge tanytýdaǵy aıryqsha qoltańbasy kórsetiledi. Astanany aýystyrý tek kóshpen shektelmegenin, ony ortalyqtandyrý, kúlli álemge moıyndatý ońaı bolmaǵanyn sol qalany basqarǵan basshylar arqyly jetkiziledi.
Jobada QR Tuńǵysh Prezıdenti – Elbasy N.Á.Nazarbaevtyń ult ómirin ózgertken utqyr sheshimderi, qaǵaz betindegi ıdeıalardan bastap, shyndyqqa aınalǵan sáýletti jobalarǵa deıingi tabandy eńbegi, iskerlik pen ekonomıkanyń qozǵaýshy kúshine aınalǵan el astanasyn tańdaýdaǵy baǵdar etip alǵan 32 ólshem týraly aıtylady.
Derekti fılm 6 shilde 20:00-de «Qazaqstan» Ulttyq arnasynan efırge shyǵady.
"Adyrna" ulttyq portaly
