Densaulyq saqtau ministrı Aleksei Soi jūmsalǧan qarajattyŋ esebın berdı. Būl turaly "Azattyq ruhy" habarlady.
Qazaqstan jalpy pandemiia kezeŋınde koronavirus infeksiiasymen küresu üşın 114 mlrd 826 mln teŋge jūmsaǧan. Bügın Densaulyq saqtau ministrı Aleksei Soi Ükımet rezervı men respublikalyq biudjetten qanşa qarjy alynǧanyn jäne ol qarajat qalai jūmsalǧanyn aityp berdı.
«Mende naqty mälımetter bar. Koronavirus infeksiiasynyŋ paida boluy men taraluynyŋ aldyn alu maqsatynda Densaulyq saqtau ministrlıgı jalpy somasy 114 mlrd 826 mln teŋge böldı», - dedı ministr.Endeşe Densaulyq saqtau ministrınıŋ esebın ūsynamyz. Onyŋ ışınde 40 mlrd 58 mln teŋge Ükımet rezervınen alyndy:
21 mlrd 184 mln teŋge jeke qorǧanys qūraldaryn satyp aluǧa; 2 mlrd 30 mln teŋgesı – därı-därmek pen medisinalyq būiymdar satyp aluǧa; 2,5 mlrd teŋgesı – zerthanalardyŋ qūral-jabdyqtary men koronavirusty anyqtaityn test jüielerın satyp aluǧa; 100 mln teŋgesı – koronairusty anyqtauǧa arnalǧan reagentterdı satyp aluǧa; 13,7 mlrd teŋgesı – PTR test ädısımen zerthanalyq qyzmet körsetuge; 310 mln teŋgesı jedel-järdem kölıkterıne ornatu üşın otandyq öndırısten şyqqan jasandy jeldetu apparattaryn satyp aluǧa; 131 mln teŋgesı azamattardy evakuasiialauǧa jūmsaldy.Al, respublikalyq biudjetten 74 mlrd teŋge bölındı:
19,5 mlrd teŋge – infeksiialyq provizorlar men karantindık stasionarlarda medisinalyq qyzmet körsetuge; 40,4 mlrd teŋge – karantindık şaralardy jüzege asyratyn qyzmetkerlerdı yntalandyruǧa; 14,8 mlrd teŋge – Nūr-Sūltan, Şymkent, Almaty qalalarynda üş infeksiialyq auruhana saluǧa jūmsaldy.
Kenjekei Toqtamūrat, Nūr-Sūltan,
"Azattyq ruhy"
