Bügın Almatyda 81 jasqa qaraǧan şaǧynda Alaştyŋ körnektı azamaty, älem halyqtary Jazuşylar odaǧynyŋ müşesı, Qazaqstan jurnalistter odaǧynyŋ müşesı, Qazaqstan Jazuşylar Odaǧy janyndaǧy «Jer jäne Qazaq taǧdyry» komitetı töraǧasynyŋ orynbasary, Halyqaralyq Mūstafa Kemal Atatürık atyndaǧy «Altyn» medalınıŋ iegerı, Qazaqstannyŋ Qūrmettı Jurnalisı, Äl Farabi atyndaǧy halyqaralyq ädebi syilyǧynyŋ laureaty, publisist-jazuşy, saiasattanuşy, akademik, belgılı memleket jäne qoǧam qairatkerı Moldaǧali Matqanūly Matqan dünieden ozdy.
Moldaǧali Matqanūly 3 qaŋtar 1940 jyly Aqtöbe oblysy Şalqar audanynda düniege keldı. Ol 1969 j. Almaty zoovetinstitutyn bıtırgen. İnstitutta oqyp jürgen kezde OK komsomolda, şetelmen bailanys ornatu Dostyq üiınde qyzmetterdı qosa atqardy.
1973 j. aspiranturada oqyp, kandidattyq dissertasiiany merzımınen erte aiaqtady. 1973 j. ǦA-nyŋ mikrobiologia jäne virusologiia institutyna konkurs negızınde ǧylymi qyzmetke ornalasyp, sol instituttyŋ käsıpodaq ūiymyn qosa basqardy. 1977 j. QP OK janyndaǧy respublikalyq «Bılım» qoǧamynda leksiialyq ügıt-nasihat bölımınıŋ bastyǧy, 1981 j. «Kıtap» qoǧamynda öndırıs-baspa bölımınıŋ bastyǧy, «Luch» öndırıstık bırlestıgınıŋ bas direktory boldy.
1990 jyldan «Aqniet» Halyqaralyq köpsalaly Ortalyǧynyŋ prezidentı qyzmetın atqardy. 2005 jyldan «Altyn adam» JŞS prezidentı, direktorlar Keŋesınıŋ töraǧasy, al 2007 jyldan Halyqaralyq gumanitarlyq investisiialyq «Şaqşaq Jänıbek Tarhan» qorynyŋ bas direktory qyzmetın qosa atqardy.
«Jasai ber ömır», «Elım qaitıp kün körer?!», «Namyssyz ūrpaq – küressız qūrymaq», «Ajdahaly apat», «Tektılık tabyndyrmai qoimas», «Asyldan, Qazaq!», «Ūly dalanyŋ ūlymyn» syndy t.b. 15 kıtaby, 500-den astam halyqtyq, ūlttyq kökeitestı ötkır mäselelerge qatysty ǧylymi-publisistikalyq, tarihi-pälsapalyq, syni maqalalary jaryq kördı.
"Adyrna" ūlttyq portaly
