Būl habarlamalardyŋ barlyǧy rastalmaǧan jäne ötırık. Habarlama qoǧamdy tūraqsyzdandyruǧa äreket retınde baǧalanady. Būl turaly "Zakon kz" habarlady.
Işkı ıster ministrı Erlan Tūrǧymbaev internet jelısınde jalǧan aqparatty taratuǧa qatysty mälımdeme jasady.
– Qūqyqqa qarsy äreketterdı anyqtau maqsatynda ışkı ıster organdary jürgızgen äleumettık jelılerdıŋ kün saiynǧy monitoringı soŋǧy uaqytta jalǧan aqparattyŋ taraluy jiılep ketkenın körsettı. Basqa memlekettık organdarmen bırlesıp ärbır osyndai habarlamany bız tekseremız. Bügıngı taŋda eldegı epidemiologiialyq jaǧdaidyŋ özektı taqyrybyn jeke tūlǧalar auditoriianyŋ nazaryn audaru üşın paidalanady, būl rette aqparattyŋ tekserılmegenın elemei, onyŋ ışınde şeteldık tegı barlar da habarlamalardy taratuda.Eŋ tanymal taratylymdardyŋ arasynda – "virus eldı mekenge ūşaqtar men tıkūşaqtardyŋ kömegımen şaşyratqan", "Qazaqstanǧa biohimiialyq qaru şaşyratqan" jäne t.b. audiohabarlamalar bar. "Facebook" jäne "Instagram" äleumettık jelılerındegı keibır paidalanuşylar kelesı mazmūndy jariialady: "Bügıngı aurudyŋ örşuı biologiialyq qaru-jaraqpen himiialyq şabuyldan oryn aluy mümkın"… Būl habarlamalardyŋ barlyǧy rastalmaǧan jäne ötırık bolyp tabylady jäne qoǧamdy tūraqsyzdandyruǧa äreket retınde baǧalanady. Osy jäne basqa da ūqsas faktıler boiynşa IIM Tergeu departamentı QR Qylmystyq kodeksınıŋ 274-baby "Bıle tūra jalǧan aqparat taratu" boiynşa sotqa deiıngı tergeudı bastady, onyŋ sanksiiasy aiyppūl, tüzeu jūmystary, jetı jylǧa deiıngı merzımge bas bostandyǧyn şekteu nemese aiyru türındegı jazany közdeidı.
– Men azamattardy memlekettık organdardyŋ resmi derekterıne ǧana senuge, arandatularǧa ūşyramauǧa jäne jalǧan aqparatty taratpauǧa şaqyramyn, – dep atap öttı ministr Erlan Tūrǧymbaev.
