El basşysy, qaterlı ındettıŋ qūrbandaryna Aza künın jariialaǧannan keiın ükımetpen qaşyqtan şūǧyl jiylys ötkızdı. Qapalanyp-qaiǧyrdy da, ūrsyp-jekıdı de, eskertu-sögıster de jariialady. Aqyrynda, ümıtsız ükımetke taǧy ekı apta mūrsat berdı...
Menıŋşe, byltyrǧy Arys azaby men biylǧy Maqtaral sergeldeŋın aitpaǧanda, alty aidan astam uaqytta qytaidyŋ qara ındetıne qarsy jūmyluǧa qauqary jetpegen ükımettı dereu (erteŋ emes, bügın...) taratyp jıberıp, qūqyq qorǧau oryndary pandemiiaǧa bölıngen qyruar qarjyny mūqiiat tergep-tekseruge kırısuı kerek.
Älemdık ındetke millardtaǧan qarjylar bölınse de, därı-därmekter tapşylyǧyn qoldan jasaǧan (därı satatyn kompaniialardyŋ qoimasynda sūranystaǧy därı-därmekter lyqa tolyp tūrǧan), auruhanalarda oryn äzırlemegen (auyr syrqattardy qabyldamaǧan), tynys alu aparattaryn aldyn-ala satyp aludy ūiymdastyrmaǧan basşylyrdyŋ tügelı (ükımet müşelerınen bastap) qyzmetterınen bosap, qylmystyq jauapqa tartyluy kerek.
Qazaqtyŋ qazırgı sauatsyz ükımetın – ekı apta emes, ekı saǧat bilıkte qaldyrauǧa bolmaidy!
El bilıgıne ötkır mınezdı, janaşyr jauapkerşılıktı, şūǧyl şeşımdı, tanym-täjıribesı tolyqqandy jıgıtter kelsın! Bügınde täjıribe jinap, tälım tämsıldep jatatyn uaqyt joq: ärbır saǧat, är kün – asa qymbat!
- Qazaq Ükımetınınıŋ tızgının – öte öjet ärı auqymdy ärekettıŋ adamy – İmanǧali Nūrǧaliūly TASMAǦAMBETOVtyŋ qolyna beru kerek.
- Qarjy ministrılıgın – älemdık qos daǧdarys kezeŋderınde ekı märte ükımetbasy bolǧan – Kärım Qajymhanūly MÄSIMOVke senıp tapsyrsaq!
- Densaulyq ministrlıgın – äleumettık salanyŋ maitalman mamany, bırneşe ırı aimaqtardy ülgılı ısterımen örkendetken – Qyrymbek Eleuūly KÖŞERBAEV basqarsa!
Myŋjan BAIZHANIN,
qoǧam qairatkerı
