Bılım jäne ǧylym ministrı Ashat Aimaǧambetov jaŋa oqu jylynda bırınşı toqsanda qaşyqtan oqytu turaly şeşım qabyldauyna bailanysty ata-analar men oquşylarǧa, sondai-aq mūǧalımderge ündeu jasady.
"-Qymbatty ata-analar! Törtınşı toqsan kezınde tüsınıstık tanytqandaryŋyz üşın alǧys aitqym keledı. Balalar men mūǧalımderge, ata-analarǧa öte qiyn boldy. Bıraq sızder jaǧdaiǧa tüsınıstıkpen qaradyŋyzdar. Sızderdıŋ osyndai şeşımge tüsınıstıkpen qaraǧandaryŋyzdy qalaimyn. Būl kezeŋ aiaqtalatynyna jäne bızdıŋ balalar mektepke oralatynyna senımdımın. Qazır bız bılım beru sapasyn qamtamasyz etu üşın barlyq şarany qoldanamyz. "Oquşylar mekteptı, dostary men mūǧalımderın saǧyndy. Şydamdylyq qajet! Bız koronavirusty jeŋemız, sızder mındettı türde mektepke barasyzdar, bıraq qazır jaqsylap demalyp, oqu jylynyŋ basyna daiyndalu kerek," -dedı ministr OKQ-daǧy onlain-brifingte.Aita keteiık, biylǧy oqu jylynyŋ bırınşı toqsany şalǧaida ornalasqan şaǧyn jinaqty auyldy mektepterdı qospaǧanda, elımızdıŋ barlyq mektepterınde 1-11 synyptarda qaşyqtan oqytu formatynda bastalady. -Bastauyş synyp oquşylarynyŋ ata-analarynyŋ ötınışı boiynşa, ahual jaqsarǧan jaǧdaida, qataŋ sanitarlyq şaralardy saqtai otyryp, kezekşı synyptardyŋ jūmys ısteuıne mümkındık berıledı. -Aldaǧy uaqytta halyqtyŋ auyru deŋgeiı tūraqty tömendeuıne bailanysty, mektepterdı aqyryndap aralas oqytu jäne ştattyq formatta oqytuǧa köşıru jürgızıledı.
-JOO-ry men kolledjderde oqytu qaşyqtan oqytu rejimınde ūiymdastyrylady.
Dästürlı format:
-jeke keste boiynşa zerthanalyq jūmystar, öndırıstık oqytu jäne käsıbi praktika üşın bolady;
-şalǧaida ornalasqan kolledjderde az kontingentımen sanitarlyq rejimdı nyǧaita otyryp ötkızıledı.
