Bügın Şymkent qalasynyŋ äkımı Mūrat Äitenov jäne qalalyq mäslihattyŋ hatşysy Ǧani Taşqaraev öz mındetın abyroimen atqaru barysynda qaitys bolǧan şymkenttık därıgerlerdıŋ şaŋyraǧyna baryp, memlekettık nagradalardy tabys ettı.
Qala äkımı aldymen «№1 Qalalyq emhana» ŞJQ MKK terapiia bölımınıŋ meŋgeruşısı qyzmetın atqarǧan Aǧzipa Tajdenovanyŋ üiıne baryp, otbasyna köŋıl aitty. Aǧzipa Nasyrqyzy medisina salasyna qyryq jyl ǧūmyryn arnaǧan, 20 myŋdai nauqasty emdegen, bılıktı därıger edı. Mūrat Düisenbekūly I därejelı "Barys" ordenın därıgerdıŋ joldasyna tabys ettı.
Sondai-aq, qala basşysy 49 jasynda köz jūmǧan Gauhar Bäimenovanyŋ otbasyna da arnaiy köŋıl aitty. №1 qalalyq klinikalyq auruhana MKK-nyŋ aǧa medbikesı Gauhar Aştaiqyzy "Qūrmet" ordenımen nagradtaldy.
- Memleket basşysy Qasym-Jomart Toqaev bırqatar medsina qyzmetkerlerıne memlekettık nagrada beru turaly Jarlyqqa qol qoiǧan bolatyn. Būl rette, dünieden ötken därıgerlerımızdıŋ eŋbegı ölşeusız. Olar öz käsıpterıne adaldyq tanytty. Bız olardyŋ erlıgın eşqaşan ūmytpaimyz. Ärbırı batyr degen atqa laiyq. Barlyq otbasyǧa äkımdık tarapynan tiıstı kömek jasalady, - dedı qala äkımı.Şahar basşylyǧy qalanyŋ densaulyq saqtau salasyna eŋbek sıŋırgen, qyzmet jolynda qaitys bolǧan toǧyz därıgerdı memlekettık ordendermen nagradtap, olardyŋ üiıne arnaiy baryp tabys ettı. Aita ketsek, "Şymkent - qaiyrymdy qala" qorynan qaitys bolǧan därıgerlerdıŋ otbasyna qarjylai kömek körsetıldı. Qala äkımınıŋ aituynşa, qalada koronavirus dertımen tıkelei küresıp jatqan därıgerlerdıŋ bärı dın aman. Şahar basşysy olarlyŋ keibırı auyryp, qaita jūmysyn jalǧastyryp jatqanyn mälımdedı. I därejelı «Barys» ordenımen marapattalǧan: Tajdenova Aǧzipa Nasyrqyzy - «№ 1 Qalalyq emhana» ŞJQ MKK terapiia bölımınıŋ meŋgeruşısı «Qūrmet» ordenımen marapattalǧandar: - Kürekbaeva Bauyrjan Ordabekūly - «Qalalyq diagnostikalyq ortalyq» MKK-nyŋ därıgerı - Mamaev Hasym Mahmudovich - «Qalalyq diagnostikalyq ortalyq» MKK-nyŋ därıgerı - Mälıbekov Jänıbek Jūmaşūly - «№1 qalalyq klinikalyq auruhana» MKK-nyŋ därıgerı - Älmahanova Qafiza Batyrhanqyzy – «№8 qalalyq emhana» MKK-nyŋ aǧa medbikesı - Baimenova Gauhar Aştaiqyzy - «№1 qalalyq klinikalyq auruhana» MKK-nyŋ aǧa medbikesı - Äuelbaev Timur Aidarhanūly - «Jedel medisinalyq järdem stansiiasy» MKK feldşerı Parasat» ordenımen marapattalǧan: Abdikulova Mariiam Qabylbekqyzy – «№1 qalalyq klinikalyq auruhana» MKK-nyŋ bölım meŋgeruşısı III därejelı «Barys» ordenımen marapattalǧan: Sadiev Orynbasar Alipbekūly - «№1 qalalyq klinikalyq auruhana» MKK-nyŋ bölım meŋgeruşısı
Şymkent
