Belgılı käsıpker, «Sen» partiiasynyŋ jetekşısı Ahmetbek Nūrsila özınıŋ You Tube arnasy arqyly «SQ-Farmasiianyŋ» jabyluyn talap etıp, qazaqstandyqtarǧa ündeu jasady. Ol şyǧarylymynyŋ atyn «Dat pen bırlık» dep atap, el basyna tüsken näubettıŋ şeşu jolyn ūsynyp, osy jolda miting ūiymdastyruǧa daiyn ekenın aitty.
«SQ-Farmasiia» jabylsyn. Därı-därmek halyqqa eşqandai deldalsyz tıkelei kelsın. Halyq bır ädıletsızdıktı, bır bassyzdyqty anyqtap, sony şeşudı halyq bolyp talap etelık. "Eger medisinalyq mekemeler resmi distribiutorlardan (deldaldyq kompaniia – avt.) tıkelei därı-därmektı alyp, därılerdıŋ baǧasyn portalda aşyq körsetetın bolsa, ony halyq internet arqyly baqylau mümkındıgıne ie bolyp, ol jemqorlyqty joiuǧa boluşy edı. Därı-därmektı şetelden äkelu üşın «Samūryq-Qazyna» qūrǧan «SK-Farmasiia» JŞS kerek emes. Kelısesız ǧoi. Osyndai posttardy jazyp, osy bannerdı avatarlaryŋyzǧa salyp, qazırgı özektı osy problemany bırlıgımızdı körsetıp, bırge şeşudı talap eteiıkşı. Tym bolmasa el ekenımızdı osylai körseteiık. Būl mäselenı şeşkennen keiın, däl osy jolmen kelesı mäselelerdı şeşetın bolamyz. Bır aptada bilık tarapynan eşqandai ıs-äreket bolmasa, äleumettık jelı arqyly bilıkke talap qoiyp, hat jazyp, qol jinap, belsendıler bilıkke tapsyratyn bolamyz. Qoldaimyn dep qol qoiu üşın sızge bır-aq minut uaqyt jetıp jatyr. Sol kezde 10 myŋ, 100 myŋ qol jinalatyn bolsa, bilık nazar audarady. Eger bilıkke tapsyrylǧan hatqa bır apta ışınde jauap bolmasa, är qaladan däl osy mäsele boiynşa «Sen, Alaş» partiiasynyŋ belsendılerı beibıt mitingter ūiymdastyrady. Soǧan baryp qatynasuǧa bır-aq saǧat uaqytyŋyzdy arnasaŋyz – sız elımızde azamattyq qoǧam jasauǧa qosqan ülesıŋız bolar edı. Eger beibıt mitingterde eşteŋe şyqpasa, «dat» şarasyn ärı qarai jalǧastyramyz. Ata-babamyz bilıktıŋ şeşımıne narazy bolǧanda aitatyn dat dästürını ary qarai jalǧastyramyz. Narazylyq körsetudıŋ bırınşı qadamy – belgılengen uaqytta halyq barlyq jūmystaryn tastap, bır saǧatqa toqtatady. Eger mäsele şeşılmese, onda osy şara bır künge sozylady. Dat aitu tek qana beibıt jolmen bolady. Arandatuşylyqqa halyq bolyp jol bergızbeuge bolady. Ermūrat Bapi aǧamyzdyŋ «Dat» gazetı halyqqa keremet qyzmet jasady. Jasap ta jatyr. Endı sony äleumettık jelı arqyly taǧy da bır beleske köterıp, damytuǧa bolady, aǧaiyn. Halyqtyŋ taǧdyry, halyqtyŋ bolaşaǧy, halyqtyŋ küşı – tek qana bereke-bırlıkte! Bırlıkpen qarapaiym qimyldar jasaiyq...", - deidı Ahmetbek Nūrsila. https://www.youtube.com/watch?v=WmlMiVZgSYc&t=145s
Jasūlan Nauryzälı,
"Adyrna" ūlttyq portaly
Ūqsas jaŋalyqtar
