COVID-19-dyŋ statistikalyq mälımetter esebın taratuda jaŋa ädıster belgılendı

Nūr-Sūltan, BAQ.KZ tılşısı. Būl turaly QR Densaulyq saqtau ministrı Aleksei Soi QR Prezidentı janyndaǧy Ortalyq kommunikasiialar qyzmetı alaŋynda "QR KVİ boiynşa statistikalyq derekter jäne esepke aludyŋ jaŋa täsılderı" taqyryby aiasynda ötken onlain brifing kezınde aitty. Bügınde COVID-19 infeksiiasymen syrqattanu boiynşa täulıgıne 1700-1800 adamnan virus anyqtalyp otyr. Būl tūraqty jaǧdai. Osy tūrǧyda Memleket basşysy koronavirus infeksiiasynyŋ statistikasyn retke keltıruge qatysty tapsyrma berdı. Koronavirus jaǧdailarynyŋ jalpy alynǧan statistikalyq esebınen bölek, pnevmoniiaǧa da nazar audaru kerek. Osyǧan bailanysty, COVID-19 ben pnevmoniiaǧa qatysty mälımetterdıŋ barynşa aşyq boluy üşın QR Densaulyq saqtau ministrlıgı statistikalyq mälımetter esebın taratuda jaŋa ädısterdı belgıledı. Düniejüzılık densaulyq saqtau ūiymynyŋ (DDSŪ) Europalyq öŋırlık biurosymen jürgızılgen tehnikalyq konsultasiialardy eskere otyryp, bız aurulardyŋ halyqaralyq klassifikasiiasynyŋ jaŋa kodtary boiynşa COVID-19 jaǧdailaryn kodtauǧa jäne esepke aluǧa köşu turaly şeşım qabyldadyq. Osylaişa, COVID-19-dyŋ zerthanalyq rastalǧan jaǧdailary PTR testı terıs nätije körsetken, bıraq COVID-19-dyŋ klinikalyq jäne epidemiologiialyq belgılerı bar pnevmoniia jaǧdailarymen bırıktırıledı. Jinaqtalǧan klinikalyq täjıribelerden bız osy aurular aǧymynyŋ ūqsastyǧyn jäne olardy emdeu taktikasyna bıryŋǧai täsılderdı qoldanu qajettıgın atap ötkımız keledı, - dedı ol. Ministr DDSŪ COVID-19 jaǧdailaryn jaŋa formatta jıkteu jäne esepke alu jönınde resmi habarlama jıbergenın aitty. Aǧymdaǧy jyldyŋ 11 şıldesınde Densaulyq saqtau ministrlıgı DDSŪ-nan COVID-19 jaǧdailaryn jaŋa formatta jıkteu jäne esepke alu jönındegı resmi habarlama alǧan bolatyn. Qazırgı uaqytqa deiın Qazaqstanda basqa da elderdegıdei, COVID-19 zerthanalyq rastalǧan jaǧdailardy ǧana esepke alu jüzege asyryldy. Sonymen qatar, mausym aiynyŋ üşınşı onkündıgınde qozdyrǧyşy naqtylanbaǧan, iaǧni zerthanalyq rastalmaǧan virustyq pnevmoniianyŋ ösuı baiqaldy. COVID-19 infeksiiasynyŋ syrqattanuşylyq pen ölım-jıtım statistikasy ekı derek közınen qūralatyn bolady: zerthanalyq rastalǧan COVID-19 jaǧdailary jäne anyqtalmaǧan virustyq pnevmoniialar, - dedı Soi. Aleksei Soi aurulardyŋ halyqaralyq jıktemesınıŋ jaŋa kodtaryn paidalana otyryp, COVID-19 infeksiiasyn kodtauǧa tolyq köşu 2020 jyldyŋ 1 tamyzynan bastap jüzege asyrylatynyn jetkızdı. Ol üşın COVID-19 kodtau baǧytynda medisina qyzmetkerlerınıŋ qūzyretın arttyru, aqparattyq jüielerdı retke keltıru jäne basqa da tehnikalyq mäselelerdı şeşu jönınde şaralar qabyldau qajet. Osy oraida, Densaulyq saqtau ministrlıgı esepke alu täsılderınıŋ özgeruı koronavirustyq infeksiiadan bolǧan syrqattanuşylyq pen ölım-jıtım deŋgeiı tırkeletın halyqaralyq reitingte Qazaqstannyŋ ūstanymy naşarlaitynyn tolyq tüsınedı. Sonymen qatar, būl täsıl aurudyŋ dūrys boljamyn jasauǧa, qajettı resurstardy, iaǧni, medisinalyq kadrlardy, tösek-oryndardy, medisinalyq jabdyqtardy, därılık zattardy tiımdı josparlauǧa, sondai-aq, statistikanyŋ aşyqtyǧyn qamtamasyz etuge mümkındık beredı, - dedı ministr. Aisūlu MAMANQYZY Foto: aşyq derekköz