Pavlodar oblysy ákimdiginiń basqarma basshysyna qatysty sotqa deıingi tergeý bastaldy. Bul týraly "Adyrna" Tengrinews.kz-ke silteme jasap habarlaıdy.
Antıkorrýpııa baspasóz qyzmetiniń habarlaýyna qaraǵanda, Pavlodar oblysy boıynsha Sybaılas jemqorlyqqa qarsy qyzmeti jalpy somasy 2,6 mıllıon teńge bolatyn merdigerdiń is júzinde oryndalmaǵan jumystardyń atqarylýy týraly jalǵan aktisine qol qoıý arqyly bıýdjet qarajatyn jymqyrý faktisi boıynsha oblys ákimdigi basqarmalarynyń biriniń basshysyna qatysty sotqa deıingi tergeýdi bastady.
"QPK 201-babyna sáıkes ózge aqparat tergeý múddesi úshin jarııalaýǵa jatpaıdy", - dep habarlady vedomstvonyń baspasóz qyzmetindegiler
Esterińizge sala ketsek, jýyrda koronavırýs indetimen kúresti jarnamalaý úshin BAQ-qa bólingen aqshanyń esebi jarııalanǵan. Aqparatqa sensek, burynǵy Densaýlyq saqtaý mınıstri Eljan Birtanov jýrnalıst Aman Tasyǵannyń “Talk show” baǵdarlamasyna 50 mln-ǵa jýyq aqsha bólgen. Alaıda, jýrnalıst mundaı aqshany almaǵanyn aıtty.
