Asqar Jūmaǧaliev Sifrlyq damu, innovasiialar jäne aeroǧaryş ministrı qyzmetınen bosatyldy. Būl turaly Aqorda habarlady.
"Memleket basşysynyŋ Jarlyǧymen Asqar Quanyşūly Jūmaǧaliev Qazaqstan Respublikasynyŋ sifrlyq damu, innovasiia jäne aeroǧaryş önerkäsıbı ministrı qyzmetınen bosatyldy", - delıngen habarlamada.
Asqar Quanyşūly Jūmaǧaliev 1972 jyly Resei Federasiiasynyŋ Orynbor oblysynda düniege kelgen.
Sverdlov Suvorov äskeri uchilişesın tämamdaǧan. Radiobailanys, radiotaratu jäne teledidar mamandyǧy boiynşa Qazaq ūlttyq tehnikalyq universitetınde oqydy. Qazaq gumanitarlyq-zaŋ universitetınde "Qūqyqtanu" mamandyǧy boiynşa ekınşı joǧary bılımın alǧan.
Orys, qazaq jäne aǧylşyn tılderın bıledı.
Eŋbek jolyn 1996 jyly "Jaryq" JŞS bas direktory qyzmetınen bastady.
Būl qyzmetke deiın "Telekommunikasiialyq trafik billingı respublikalyq ortalyǧynyŋ" basqarma basşysy, "Qazaqtelekom" AQ-nyŋ prezidentı, Premer-ministrdıŋ orynbasary – Qorǧanys jäne aeroǧaryş önerkäsıbı ministrı qyzmetterın atqardy.
Esterıŋızge sala ketsek, būl ministrlık telekommunikasiia jäne bailanys, elektrondy önerkäsıp, elektrondy ükımet jäne memlekettık qyzmetter, aeroǧaryş önerkäsıbı, aqparattyq qauıpsızdık, geodeziia jäne kartografiia siiaqty salalarymen ainalysady.
Asqar Jūmaǧaliev el ışınde bilık basynda ūzaq jyl qyzmet etken şendılerdıŋ bırı Qairat Mämidıŋ küieu balasy retınde tanymal. Qairat Mämi 2017 jyldan berı Konstitusiialyq keŋstıŋ töraǧasy qyzmetın atqarady.
Jasūlan Nauryzälı,
"Adyrna" ūlttyq portaly
