Nūr-Sūltan, BAQ.KZ. Bügıngı taŋda elımız koronavirus ındetımen küres jürgızude. Būl mäselenı şeşu maqsatynda qosymşa halyqqa medisinalyq qyzmet körsetu ortalyqtary aşyluda. Onda bılım beru mekemelerınde qyzmet etetın medisina qyzmetkerlerı eŋbek etude.
Jambyl oblysy äkımdıgı Bılım basqarmasy basşysynyŋ orynbasary Talǧat Jamalov medisinalyq punktterdegı mektep meiırbikelerı erıktı türde jūmys ıstep jatqanyn aitty. Olar därıgerdıŋ tekserısınen soŋ nauqastardy qabyldauda.
Taraz qalalyq Mūhtar Äuezov atyndaǧy №33 orta mektepte medisinalyq punkt 20 şıldeden bastap jūmys ısteude.
Bızdıŋ basty maqsatymyz - emhanalardyŋ jūmysyn az da bolsa jeŋıldetu. Ekı kün ışınde bızge 11 adam keldı. Olar negızınen orta jastaǧy azamttar. Aitatyn şaǧymdary barlyq tūrǧynda özektı bolyp otyrǧan auru belgılerı - bas auruy, älsızdık pen jaisyzdyq. Bızge qatardaǧy jaǧdailar baiqalatyn nauqastardy joldaidy. Öitkenı, mekteptegı medisinalyq punktter kürdelı proseduralarǧa orai jabdyqtalmaǧan, - deidı mektep meiırbikesı Orynkül Qoişyǧūlova.
"Buryl" alqabynyŋ tūrǧyndary mekteptegı medisinalyq punkterdıŋ jabdyqtaluynyŋ joǧary önımdılıgın aityp otyr.
Bız öz audanymyzda oqşaulana ömır sürudemız. Emhana alys bolǧandyqtan onda em-dom alu üşın baru yŋǧaisyz. Sol sebeptı därıgerdıŋ belgıleuın alǧan soŋ būlşyqetke ekpe jasai alatyn nemese tamşylar qoia alatyn körşılerdı ızdeimız. Al audannyŋ tap ortasynda ornalasqan mektep ärkım üşın kömek aluǧa bolatyn yŋǧaily jer. Onda qan qysymyn ölşetıp, ekpe saldyruǧa, jazylu prosesın baqylauda ūstauǧa bolady, - deidı jergılıktı tūrǧyn Erkebūlan Jantılesov.
Osy audanda ornalasqan №54 mekteptıŋ medisinalyq qyzmetkerlerı Aibibı Düisenbaeva men Aiym Übaidan jūmysqa quana-quana şyqqandaryn aitty.
Bız balalarmen jäne olardyŋ ata-analarymen tyǧyz bailanys ūstaimyz. Sondyqtan jergılıktı tūrǧyndardyŋ bırşamasyn jaqsy tanimyz. Mūndai jaǧdaida olarǧa kömek körsetpeu satqyndyqpen para-par bolar edı. Bızdıŋ medisinalyq punkt ötken aptada aşylǧan. Osy uaqyt aralyǧynda bızge 19 adam jügındı. Mektepte qajettı proseduralardy jürgızuge bar jaǧdai jasalǧan. Eŋbegımız elge paidaly bolady dep ümıttenemız, - deidı meiırbike Aibibı Düisenbaeva.
Qalanyŋ şetındegı audandar üşın nauqastardyŋ mektepterdegı medisinalyq punktterde qabyldanuy ekınşı tynys aşylǧandai äser ettı.
Bız jūmysqa bırınşı ötınışten soŋ-aq şyqtyq. Koronaviruspen küres kezınde soǧys kezındegıdei är jauyngerdıŋ maŋyzy zor. Onyŋ üstıne bızdıŋ audanǧa medisinalyq kömektıŋ jetuı qiyndyq tudyrady. Bızdıŋ mektep "Kırpış zauyty" audanynda ornalasqan. Mūnda Baryshan alqaby men Aqbūlym auylynan da adamdar kelıp tūrady. Keide tamşy qoiu qiyn bolyp jatady. Öitkenı, auyldyq jerde medisinalyq bılımı bar adamdy tabu qiyn. Sondyqtan ärıptesım ekeumız taban audarmai jūmys ıstep jatyrmyz. Ekı apta ışınde bızge kömek alu üşın 47 adam keldı. Onyŋ 11-ın bügın qabyldadyq, - deidı №60 orta mekteptıŋ meiırbikesı Säule Beineuova.
Ekınşı meiırbike Baian Qalmaǧanbetova da jūmysynyŋ jaŋa qyryn zor yntamen qabyldap, punkt kıreberısınde nauqastardy qarsy alyp, temperaturasyn ölşep, jeke qorǧanys qūraldarynyŋ bar-joǧyn tekserude.
Men medisina salasyna adamdarǧa kömek beru maqsatynda keldım. Qazır menıŋ kömegım barynşa paidaly bolatyn şaq keldı. Nauqastardy ünemı köterıŋkı köŋılmen, külımdep qarsy alamyn. Öitkenı, būl kezde olarǧa barynşa jaǧymdy emosiialar kerek. Juyrda bızge 92 jastaǧy bronhitı bar qariia keldı. Bız aqsaqaldy emdep, auruynan aiyqtyryp jıberdık. Ol kısını körgen saiyn alǧysyn alyp, künı boiyna köŋılım köterılıp jüredı, - deidı ol.
Ärbır nauqastyŋ qazaqstandyq azamattardyŋ ömırı üşın küreske öz ülesterın qosyp jürgen meiırbikelerge alǧystary şeksız.
Jambyl oblysy äkımdıgı Bılım basqarmasy basşysynyŋ orynbasary Talǧat Jamalovtyŋ aituy boiynşa, mektepterdegı medisinalyq punktter nauqastardy oqu jyly bastalǧanǧa deiın qabyldaidy.
BAQ.KZ
