Ekıbastūz qalalyq «Aqsaqaldar ädıl qazylyǧy» qoǧamdyq bırlestıgınıŋ töraǧasy, aqyn, jurnalist Jūmaǧali Qoǧabaev özınıŋ Feisbuk paraqşasynda Ekıbastūz qalalyq bılım bölımınıŋ basşysy Jazira Hamzabaevaǧa aşyq hatyn jariialady. Jūmaǧali Qoǧabaevtyŋ hatyn eş özgerıssız nazarlaryŋyzǧa ūsynamyz:
«Osy künı «ne şyqsa da Ekıbastūzdan şyǧady» degen söz tūraqty söz tırkesıne ainalyp kete me degen qorqynyşym bar. Bärı sol būrynǧy qala äkımınıŋ äleumettık sala boiynşa orynbasary N. V. Nefedovanyŋ «Adyrna» portalyna jazylǧan qara basyna ekı bölmelı päterdı jekeşelendıruı, odan soŋ 2019 jyly Solnechnyi qalaşyǧynda jaŋa qazaq mektebınıŋ aşyluyna orai ǧylymi konferensiia ötkızıp, är mūǧalımnen 15000 teŋge aqşa jinauynan bastaldy dese bolady. Äitse de Nefedova qaryndasymyz osylai şulatyp ketkenımen sol şudyŋ jaŋǧyryǧy jartasqa soǧylyp, qaita qaita ainalyp soǧyp jatqandai...
Keşe köşeden Ekıbastūz qalalyq bılım bölımınıŋ bılıktı mamany Gülnar İskakovany kördım. Jūmysqa bılek sybanyp kırısıp, ülken ıs-şaralardyŋ ūiymdastyruşysy bolyp, jaidary jüretın Gülnärdıŋ eŋsesı tüsıp ketken eken.
- Ne boldy, Gülnär, auyryp qalǧan joqsyŋ ba? - dep amandyq sūradym.
Jylaǧandai bolyp qysqaşa jaǧdaiyn aitty. Bılım bölımınıŋ basşysy Hamzabaeva Jazira Amankeldievnamen kelıse almai jürgenın, basşynyŋ qyzmetın paidalanyp, qysymşylyq jasaitynyn, basşynyŋ bedelın tüsıretın hat jazdyŋ dep sebepsız jūmystan şyq dep jatqanyn jalpy jūmys ötılı 29 jyl, 1998 jyldan osy künge deiın 22 jyl qalalyq bılım bölımınde qyzmet atqaryp kele jatqanyn, osy jyldardyŋ 8 jylyn tölemnen negızsız alyp tastaǧan qatty qynjyla jetkızdı. Bıluımşe, basşylyq dauly ıstı sotqa da berıptı. Sonan soŋ Ş.J. Moldaşeva degen sarapşynyŋ qorytyndysyn oqyp berdı. Ol qorytyndyda bylai dep jazylypty: V issleduemyh tekstah ne imeiutsia priznaki oskorbleniia chesti dostoinstva Hamzabaevoi J.A ...
Qūrmettı Jazira Amankeldievna, qalalyq «Aqsaqaldar ädıl qazylyǧy» qoǧamdyq bırlestıgınıŋ töraǧasy retınde aitarym, karantinge bailanysty sızben jolyǧa almaimyn. Men Gülnära İskakova degen qyzmetkerıŋızdı köp jyldan bılemın. Jūmysqa tiianaqty, ärı öte bılımdı maman. Sol sebeptı dauly mäselenı emosiiaǧa berılmei, aşuǧa jeŋdırmei ädıl şeşuıŋızdı sūraimyn».
Köpşılıktıŋ pıkırınşe, Gülnär Ysqaqova Ekıbastūz jūrtşylyǧyna bedeldı, ısıne adal maman körınedı. Onyŋ qudalanu sebebıne kelsek, Ysqaqovaǧa basşylyq türlı qosymşa mındetter, atap aitqanda, ötınış, şaǧymdardy qarastyryp, merzımınde jauap berudı jükteptı. Bıraq hattardyŋ tüpnūsqasy qolyna uaqytyly timei (bıreudıŋ qasaqana bermeuınen), Ysqaqovanyŋ jūmysy qoldan jasalǧan kedergıge ūşyraǧan. Mūndai qysastyqqa narazylyǧyn G.Ysqaqova bırneşe qūzyrly organǧa bıldırıp hat joldaǧan körınedı ("Nūr Otan" partiiasynyŋ Ekıbastūz qalalyq filialy, pedagog mamandardyŋ Pavlodar oblystyq käsıpodaq ūiymy, Ekıbastūz qalasynyŋ äkımdıgı). Hat jazǧan organdarynyŋ bırde-bıreuı, ökınışke orai, täjıribelı pedagogqa araşa tüspei ünsızdık tanytqan. Bylaişa aitqanda, "kül bolmasaŋ, bül bol" degen ūstanymda qalǧan. Ysqaqovanyŋ jan-jaqqa hat jazǧanyna şamdanǧan Hamzabaeva hanym ony sotqa berıp, «ar-namysyma nūqsan keltırdı» dep aiyptaǧan. Bügıngı taŋda sot şeşımı tübegeilı şyǧyp ülgergen joq, degenmen sot sarapşysynyŋ saraptamasy şyǧyp, onda Ysqaqovanyŋ hattarynda Hamzabaevanyŋ ar-namysyna nūqsan keltırerlıktei sözder bolmaǧandyǧy anyqtalypty.
Būǧan deiın qazaqtıldı portaldarda Hamzabaeva hanym basqarǧan salaǧa qatysty köptegen syn maqala jaryq körgenınen qalyŋ jūrtşylyq habardar. Ol maqalalarda ekıbastūzdyq ūstazdardyŋ zeinetaqy audarymdarynyŋ, demalys aqylarynyŋ dūrys eseptelmei jürgenı söz boldy. Ūstazdardyŋ jalaqysyn dūrys eseptei almai jüru sebebı Hamzabaeva hanymnyŋ sottan qoly timei jürgenınen be eken degen oiǧa qaldyq...
Hamzabaeva hanymnyŋ Ekıbastūzdyŋ bılım salasyna eŋbegı sıŋgen maitalman mamandy atasynyŋ qūny qalǧandai qudalauynyŋ sebebın bıle almadyq. Bır bılerımız: būl bölımde tolyq jūmys künıne sai ıstemese de, tolyq ailyq kölemınde eŋbekaqy alyp jürgen syrttan kelıp-ketıp jüretın mamandar bar. Būl, bıle bılsek, qarjylyq zaŋ būzuşylyq! Mūny qūzyrly organdar qaperıne aluy tiıs!
Jalpy, Hamzabaeva hanym basqarǧaly Ekıbastūz qalalyq bılım bölımı kım körıngen kırıp-şyǧa beretın keŋ dälızge ainalǧandai. Bölımde bılıktı maman joqtyŋ qasy, mamandardyŋ bırazy – Hamzabaevanyŋ öz tuystary men tanystary. Solardyŋ bırı – esep-qisap bölımındegı Arai hanym bırde jūmystan şyqpaqşy bolyp bölım qyzmetkerlerımen qoştasyp ketıp, ekı-üş künnen soŋ jūmysqa qaityp kelıptı. Qaityp kelu sebebı – küieuımen ajyrasatyn bolyp, özge qalany betke alyp, jūmystan şyǧuǧa aryz bergen eken. Köp ūzamai küieuımen tatulasyp, tük bolmaǧandai bölımge jūmysqa qaita kırgen. Qazır ol jūmysqa kelgısı kelse keledı, kelgısı kelmese kelmeidı.
Baianauyl audanynan kelgen Toǧjan Temırhanova bölımnıŋ būrynǧy maitalman mamany Säniia Bugumbaevanyŋ ornyna qyzmetke alynǧan. Säniia Mūhtarbekqyzyn ūiyqtap jatqanda oiatyp alsaŋ, olimpiada, ŪBT-ǧa qatysty körsetkışterdı jatqa aityp beretın-dı. Myqty maman edı. Zeinetke kettı. Baianauyl audanynan kelgen Temırhanovany tük bılmeidı desedı ärıptesterı, esesıne Hamzabaevanyŋ jaqsy tanysy eken. Bıraq eşbır qūjatqa, eşbır derekke ie bola almai, ärıptesterın äure-sarsaŋǧa salyp jürgen jaiy bar. Oǧan tıptı janyndaǧydar «Odarenka» dep laqap at ta qoiyp ülgerıptı. Jūmysyn dūrys atqara almaǧandyqtan ol qyzmetten üş-tört ai ıstep bosatylǧan eken, bıraq keiın Hamzabaeva ony qaita qabyldapty. Eldıŋ bärı «Odarenka qaityp eldı!» - dep bır dauryǧysty. Qaityp kelmek tügıl, sol «Odarenkaŋyz» Hamzabaevadan Ysqaqovanyŋ ızın aŋdu turaly tapsyrma da alyp alypty. Sebebı Ysqaqova Ekıbastūz qalalyq sotynyŋ otyrysyna şaqyrylǧan künı ol «Ysqaqova jūmysta bolǧan joq» dep akt jasapty. Bılıksız maman eldı aŋdyǧannan basqa ne bıtırsın endı?! Qazır Temırhanova Ysqaqovanyŋ köleŋkesı sekıldı, qaida barsa da ızın aŋdyp videoǧa tüsırumen şūǧyldanady. Osyǧan qarap bılım bölımınde "videooperator" degen jaŋa lauazym aşylyp qaluy ǧajap emes-au degen oiǧa qaldyq.
Ekıbastūzdyŋ bılım salasynda bolyp jatqan bylyqtar, mıne, osyndai...
Asuan Taijan,
Pavlodar oblysy
