Tanym kókjıegin keńeıtetin 7 fılm

439

Keıde kınogerler men kórermenniń talǵamy bir jerden shyǵa bermeıdi. "Sıqyrly SMM" kitaby avtorynyń biri Abzal Dosym adamdardyń tanymyn arttyratyn eń úzdik 7 kınosyn atap, oıymen bólisti. 

1. Interstellar. Rejısser Krıstofer Nolannyń týyndysy. Fılm ǵylymı fantastıka janrynda bolǵanymen fılmdegi barlyq áreketterdiń ǵylymı negizi bar. Sebebi fılmniń ǵylymı konsýltanty - fızıka salasynda Nobel syılyǵynyń ıegeri Kıp Torn, jobaǵa kelmes buryn aqylǵa qonymsyz kórinisterdiń bolmaýyn qadap aıtqan eken. Qara qurdym, oqıǵalar kókjıegi, salystyrmalyq teorııasy týraly tanymdy keńeıtip, qyzyǵýshylyqty oıatar týyndy.

Fılmniń saýndtregi, ómirge kelý tarıhy bólek áńgime. Qulaqqapty nyǵyzdap saýndtrekti qosqanda aınaladaǵy tirshilik ózgeshe mańyzǵa ıe bola bastaıdy. Keıde boıyńdy úreı bılep, keıde adamzat taǵdyryndaǵy eń úlken dramaǵa kýá bolyp otyrǵanyńdaı sezim syılaıdy.

2. Matrıa. Aǵaıyndy Ýochovskılerdiń trılogııasy. 1999 jyldan bastap shyǵa bastaǵan fılmdegi arnaıy effektiler sol zamandaǵy tehnologııalardyń ozyq úlgisi bolyp tabylady. Buryn sol effektileri úshin kórgen bolsaq, osy karantınde ıdeıasy úshin qaıtalap kórip shyqtym. Eger salmaqty dıalogtary, ótkir sıýjeti, mıǵa salmaq túsiretin ıdeıasy bolmaǵanda jáı ǵana fantastıka bolyp qalýshy ma edi. Sonysymen da qundy. Amerıka kınematografııa ónimderiniń altyn qoryna engen ıgi týyndy.

3. Nachalo. Bul da rejısser Krıstofer Nolannyń týyndysy. IMDb-de 13 orynda turýynyń ózi beker emes. Bizdiń fılmder tarıh túgendep bola almaı jatqanda batys kınematografııasy adam qııalynyń shekarasyn izdep ketken. Adamnyń túsine ený arqyly onyń oıyna ıdeıa egý, ári aqparat urlaý odan ary uıqynyń eki-úsh deńgeıine deıin tereńdeı túsý...

4. Pervomý ıgroký prıgotovıtsıa. Men úshin bul fılmniń rejısser, akter sııaqty atrıbýttary mańyzdy emes. Bir ǵana ıdeıasy qyzyq. Bolashaqta vırtýaldy álemniń realdan qyzyq bolyp ketetini sonsha, adamzattyń bári vırtýal álemde kóbirek bolýǵa umtylady. Sebebi ol jaqtaǵy múmkindigiń sheksiz. Ózińe qalaǵan dene, qalaǵan túr, qalaǵan kıim, qalaǵan álemdi jasap alasyń. Qyzyqtyǵy men áseri jaǵynan vırtýal álem realdy basyp ozady. Menińshe qazir shyǵyp jatqan vırtýaldy 3d shlemdermen taktıldi qolǵaptar osy úrdistiń alǵysharttaryn jasap jatyr.

5. Lobster. Rejısser, senarısterin bilmeımin. Biraq basty rólde Kolın Farrel. Mundaǵy ýtopııalyq álemniń eń basty maqsaty adamdy jupsyz qaldyrmaý. Bul álemdegi ár adamnyń mindetti túrde juby bolýy kerek. Eger jubyń joq bolsa seni 40 kúnge arnaıy ortalyqqa jiberedi. 40 kún ishinde ózińe jup tappasań janýarǵa aınaldyryp jiberedi de túbi ańshynyń qolynan qaza tabasyń. Jup qurýdaǵy basty krıterıı - ekeýiniń bir uqsastyqtary bolýy kerek. Mahabbat degen túsinik joq. Eger jubyń kózildirik taqsa, sen de taqqan bolý kereksin, murny qanaı beretin bolsa, seniń de murnyń qanaı beretin bolýy kerek. Ortalyq qyzmetkerlerin aldaý ońaı emes. Al olar óz kezeginde tezirek jupty bolýyńa áreket etedi. Tipti mastýrbaııa jasamasyn dep qolyn kisendep tastaıdy.

6. Vremıa. Djastın Tımberleık degen ánshi jigit basty rólde. Fılm ıdeıasy sumdyq . Jyldap qaǵaz aqsha ustamaı júre berseńiz ómirińiz osy fılmdegi ómirden aýmaı qalady. Shotyńyzǵa ıfrlar keledi, ıfrlar ketedi. Kimniń ıfry kóp, sol baı ári uzaq jasaıdy.

7. Shokırýıýaıa Azııa. Eski derekti fılm. Aty aıtyp turǵandaı eýropalyqtar úshin ózge planeta bolyp kórinetin azııalyqtar jaıynda. Ondaǵy adam shoshıtyn rásimder, moraldyq normalardan asyp túsetin ómir saltyn kórsetken.

 

Abzal Dosym

Pikirler
Redakııa tańdaýy