Prezident Türkıstan jäne Qaraǧandy oblystaryndaǧy jaǧdaiǧa bailanysty keŋes ötkızdı. Būl turaly prezidenttıŋ baspasöz hatşysy Berık Uäli habarlady.
Memleket basşysy Şornaq auyly men Sätbaev qalasyndaǧy oqiǧalarǧa bailanysty Prezident Äkımşılıgınıŋ basşylyǧymen, Türkıstan jäne Qaraǧandy oblystarynyŋ äkımderımen, qūqyq qorǧau organdarynyŋ basşylyǧymen keŋes ötkızdı.
Der kezınde qabyldanǧan şeşımderdıŋ arqasynda Şornaq auyly men Sätbaev qalasyndaǧy jaǧdai tūraqtaldy. Tärtıpsızdıktıŋ qaitalanuyna eşqandai sebep joq. Prezident jaǧdaidy baqylauda ūstap, jergılıktı tūrǧyndar arasynda tüsındıru jūmystaryn jürgızudı, el ışındegı tūraqtylyqty būzuǧa talpynǧan arandatuşylardyŋ aldyn aludy, qūqyq būzuşylardy zaŋ aiasynda jauapkerşılıkke tartudy tapsyrdy.
Sonymen qatar ol atalǧan aimaqtardaǧy halyqtyŋ eŋ basty äleumettık-ekonomikalyq qajettılıkterıne nazar audaru kerek ekenın aitty. Al qūqyq qorǧau organdaryna kämelet jasyna tolmaǧan qyzdy zorlamaq boldy degen küdıkpen ūstalǧan Sätbaev qalasynyŋ tūrǧynyna qatysty tergeu jūmystaryn jan-jaqty jürgızıp, onyŋ qorytyndysy turaly jūrtşylyqqa naqty aqparat beru turaly tapsyrma berdı.
"Adyrna" ūlttyq portaly
