Bügıngı sanymymyzda Aqtöbe oblysy, Mūǧaljar audany, Qandyaǧaş qalasynda atqarylǧan şaralarmen tanysatyn bolamyz.
Abattandyru jūmystary
"Jūmyspen qamtudyŋ jol kartasy" baǧdarlamasy aiasynda abattandyru jūmystary jürgızılude. Osynyŋ negızınde Qandyaǧaş qalasyndaǧy T.Baikunov köşesı №71üidıŋ aulasyn abattandyruǧa 52 725,0 myŋ teŋge qarjy bölındı. Būl bastama boiynşa myna şarualar josparlanuda:
● üidıŋ aulasyn tazartyp, tegısteu;
● üilerge kıreberıs jolyn, kölıktı qoiu ornyn jäne jaiau jürgınşıler jolyn jöndeuden ötkızu;
● sporttyq jäne balalar oiyn alaŋdary salu.
Abattandyruǧa jūmyspen qamtu ortalyǧy arqyly 7 adam jūmysqa tartylǧan.
Jol salu
Embı qalasynyŋ Z.Bralov, Eset batyr jəne J.Əmırov köşelerıne ūzyndyǧy 2700 metrlık jaiau jürgınşıler joly (trotuarlar) men drenajdyq arnalar salynyp jatyr. Mausym aiynda bastalǧan jūmyspen "KND Construction" JŞS-ı ainalysuda.
İnfraqūrylym
Embı qalasynda kärız jüiesınıŋ sularyn tazartatyn biologiialyq tazartu ǧimaratynyŋ qūrylys jūmystary jürgızılude. Jobany jüzege asyru 2019 jyly bastalǧan. Tūrmystyq sulardy aǧyzuǧa jəne zalalsyzdandyruǧa arnalǧan, jabdyqtarmen jaraqtandyrylǧan jer asty injenerlık jūmystary 2021 jyly aiaqtalady dep kütılude.
Qūrylys
Qandyaǧaş qalasyndaǧy "Samal" möltek audanynda "Region Servis Aqtöbe" JŞS-ınıŋ basşylyǧymen segız pəterlı üş jaldamaly kommunaldyq tūrǧyn üi qūrylysy jürgızılude. Qūrylys jūmystary 2019 jyly bastalyp, aǧymdaǧy jyldyŋ tamyz aiynda Konstitusiia künıne orai pəterlerdıŋ kıltın tabystau josparlanuda.
Embı qalasynyŋ N.Bekenbaev köşesıne köp salaly sport alaŋy salynuda. Köp salaly sport alaŋynda şaǧyn futbol jäne basketbol alaŋdary boi kötermek. Arnaiy jaryqtandyrylyp daiyn bolǧannan keiın belgılı bır mekemege bekıtılıp berıledı. Qazırgı taŋda sport alaŋyna temır qorşau jūmystary jürgızılude. Qūrylys jūmystarymen "Tehmontaj-Astana" JŞS-ı ainalysuda.
Jöndeu jūmystary
1. Baǧdarlama aiasynda mektepterdı kürdelı jöndeuden ötkızu de qarastyrylǧan. Embı qalalyq №2 jalpy bılım beretın orta mektebınde 2019 jyly bastalǧan jūmystar aǧymdaǧy jyldyŋ şılde aiynda tolyq aiaqtalady dep kütılude. Jöndeu jūmystaryna "Alihan-Oil Z" JŞS-ı jauapty. Qūrylys ornynda qyzmet atqaryp jatqan jūmysşylardyŋ 50% audandyq jūmyspen qamtu ortalyǧy arqyly kelgen.
2. "Jūmyspen qamtudyŋ jol kartasy" baǧdarlamasy aiasynda Qandyaǧaş qalasyndaǧy balalar jäne jasöspırımder sport mektebıne qarasty 500 oryndyq stadion jöndeuden ötude. "Tehno S" JŞS-ınıŋ basşylyǧymen jürgızılıp jatqan jöndeu jūmystary mamyr men qyrküiek ailary aralyǧyna josparlandy. Joba boiynşa jalpy kölemı 450 şarşy metr stadionda jügıru alaŋy, metal konstruksiiadan tribuna salynyp, futbol alaŋy tolyqtai jaŋartudan ötpek. Bügıngı taŋda qūrylys basynda 22 adam jūmys jasauda. "Tehno S" JŞS-nıŋ tarapynan 11 jūmysşy jäne audandyq jūmyspen qamtu ortalyǧynan 11 adam jūmysqa tartyldy
3. "GOAR" JŞS-ı Jūryn auylyndaǧy Batpenov köşesınıŋ ūzyndyǧy 1 km 700 metr bolatyn jolda jöndeu jūmystaryn jürgızude.
4. "Jūmyspen qamtudyŋ jol kartasy" baǧdarlamasy aiasynda Qandyaǧaş qalalyq 4 jalpy bılım beretın orta mektebınde "QazstroiMagnum" JŞS-ınıŋ jetekşılıgımen kürdelı jöndeu jūmystary jürgızılude. Qūrylys jūmystaryn jürgızude. Qūrylys jūmystaryna 43 adam tartylǧan. Onyŋ ışınde 22-sı audandyq jūmyspen qamtu ortalyǧy arqyly alynǧan.
Basqa eldı mekenderde de jūmys qarqyny däl osylai jüretın bolsa, memlekettık baǧdarlamalar belgılengen maqsattarǧa köp ūzamai jeterı edı. Keibır baǧdarlamalardyŋ öz uaqytynda oryndalmai jatqany jergılıktı organdardyŋ oŋtaily jūmys atqarmauynan da boluy mümkın. Nätijelı jūmysy arqyly özge audandarǧa ülgı bolǧan Mūǧaljar audanynyŋ basşylyǧyna qyzmette tabysty boluyn tıleimız!
“Adyrna” ūlttyq portaly
