Äleumettık jelılerde aiqailaǧan toptyŋ polisiia bastyǧyn qalai qorşap alyp, ūrǧany turaly video paida boldy. Artynan Jezqazǧan qalasynyŋ polisiia bastyǧy, polisiia polkovnigı Qūrmanov sol tüngı oqiǧa turaly Tengrinews.kz. redaksiiasyna aityp berdı. Bız Sızderge polisiia bastyǧynyŋ sözderın audaryp, yqşamdap ūsynamyz.
«Men beinejazbada şynymen men ekenımdı, Jezqazǧan qalasynyŋ polisiia bastyǧy, polisiia polkovnigı Qūrmanov ekenın rastaǧym keledı. Joǧalǧan bes jasar qyz turaly aqparat alǧannan keiın men bölımge keldım, qyzmetkerlerdı jinap, dereu Sätbaev qalasyna jol tarttym. Köptegen adamdar jinalyp, tärtıpsızdıkter bastalyp, adamdar pedofildı özderıne tapsyrudy talap etıp, olar podezge kıruge tyrysty.
Bız podezdıŋ kıre berısınıŋ bırınşı qatarynda tūrdyq. Būl kezde jinalǧandardan bıreu polisiia qyzmetkerlerın bır-bırlep alyp ketu kerek dep aiqailady. Bır top adam qasymda tūrǧan polisiia qyzmetkerın ūstap alyp, ony halyq arasyna süirep apardy. Būl qyzmetkerdı qolynan ūstap, men olardyŋ soŋynan erıp, qyzmetkerdı bosatuǧa köndıre bastadym, öitkenı ol kınälı emes qoi. Men jinalǧan jūrtty sendıre aldym, olar būl qyzmetkerdı bosatty. Sol kezde toptan bıreu menı tanyp qalyp, "būl polisiia bastyǧy" dep aiqailady. Olar küdıktını ūstap berudı talap ete bastady. Jinalǧandar menı qorşap aldy jäne küdıktını özderıne tapsyrudy talap ete bastady - olar qylmyskerdı özderı jazalaǧylary keldı », - dedı Qūrmanov.
Ol jinalǧandarǧa zaŋ aldynda bärı bırdei ekenın jäne būl azamat zaŋǧa säikes jazalanatyndyǧyn tüsındıre bastady. «Mūnyŋ bärı 30-40 minuttyŋ ışınde boldy. Osy uaqytta men basymnan, denemnen bırneşe ret soqqy aldym, miym şaiqalyp, köptegen dene jaraqattaryn aldym. Oŋ jaq qūlaq, sol iyq, sol jaq keude jäne belım bärı soqqydan kögerıp qaldy. Halyq menı tyŋdamaitynyn tüsındım. Ol künı men eşqandai alkogol ışpedım,», - dep qorytyndylady polisiia basşysy.
"Adyrna" ūlttyq portaly
