Elimizde engizilgen tótenshe jaǵdaı kezinde Shymkent qalasynyń ákimi Murat Áıtenovtyń tapsyrmasymen emhanalary janynan táýlik boıy jumys isteıtin 58 mobıldi top qurylǵan bolatyn.
Azamattardyń qaýipsizdigin eskere otyryp, Murat Dúısenbekuly mobıldi brıgadalar sanyn álide arttyrý qajettigin aıtqan bolatyn. Sol sebepti, olardyń sany búginde 197-ge jetti. Bul týraly Shymkent qalasynyń densaýlyq saqtaý basqarmasy basshysynyń mindetin atqarýshysy Tımırhan Varzılov aqparattyq-kommýnıkaııalyq ortalyǵynda ótken brıfıngte málimdedi.
«Shymkent qalasyndaǵy emhanalar janynda buǵan deıin 58 mobıldi top jumys istep kelgen bolsa, búginde onyń sany 197 jetti. Olarmen 16-myńǵa jýyq naýqasqa úıge arnalǵan stanıonarlyq qyzmet kórsetilgen. Sonymen birge 45 myń paıentke mobıldi brıgada qyzmeti arqyly úılerine dári-dármek jetkizildi. Atqarylǵan jumystar qaladaǵy epıdemıologııalyq jaǵdaıdyń jaqsarýyna óz áserin tıgizdi. Naqtyraq aıtqanda, jedel járdem kómegin shaqyrtýshylar sany kúnine 38 paıyzǵa azaıdy»,-dedi T. Varzılov.
Sondaı-aq brıfıngte salaǵa jaýaptylar stanıonarlarda em alýshy naýqastardyń sany kúrt tómendegenin málimdedi. Sońǵy on kúnniń ishinde naýqastar sany 2882-den 1240-qa deıin azaıǵan. Nátıjesinde stanıonarlardaǵy tósek orynnyń júktemesi 78,7 paıyzdan 33 paıyzǵa deıin kemip otyr.
Shymkent
