Elımızde engızılgen tötenşe jaǧdai kezınde Şymkent qalasynyŋ äkımı Mūrat Äitenovtyŋ tapsyrmasymen emhanalary janynan täulık boiy jūmys ısteitın 58 mobildı top qūrylǧan bolatyn.
Azamattardyŋ qauıpsızdıgın eskere otyryp, Mūrat Düisenbekūly mobildı brigadalar sanyn älıde arttyru qajettıgın aitqan bolatyn. Sol sebeptı, olardyŋ sany bügınde 197-ge jettı. Būl turaly Şymkent qalasynyŋ densaulyq saqtau basqarmasy basşysynyŋ mındetın atqaruşysy Timirhan Varzilov aqparattyq-kommunikasiialyq ortalyǧynda ötken brifingte mälımdedı.
«Şymkent qalasyndaǧy emhanalar janynda būǧan deiın 58 mobildı top jūmys ıstep kelgen bolsa, bügınde onyŋ sany 197 jettı. Olarmen 16-myŋǧa juyq nauqasqa üige arnalǧan stansionarlyq qyzmet körsetılgen. Sonymen bırge 45 myŋ pasientke mobildı brigada qyzmetı arqyly üilerıne därı-därmek jetkızıldı. Atqarylǧan jūmystar qaladaǧy epidemiologiialyq jaǧdaidyŋ jaqsaruyna öz äserın tigızdı. Naqtyraq aitqanda, jedel järdem kömegın şaqyrtuşylar sany künıne 38 paiyzǧa azaidy»,-dedı T. Varzilov.Sondai-aq brifingte salaǧa jauaptylar stansionarlarda em aluşy nauqastardyŋ sany kürt tömendegenın mälımdedı. Soŋǧy on künnıŋ ışınde nauqastar sany 2882-den 1240-qa deiın azaiǧan. Nätijesınde stansionarlardaǧy tösek orynnyŋ jüktemesı 78,7 paiyzdan 33 paiyzǧa deiın kemıp otyr.
Şymkent
