Şymkent: Qaratau audanynda 40-qa juyq köpqabatty tūrǧyn üidıŋ qasbetı jaŋaruda

Şymkent qalasy Qaratau audanynda biyl 39 köpqabatty üidıŋ qasbetı retke keltırılude. Būl jūmystarǧa sol üilerdıŋ tūrǧyndarynan qarjy jūmsalmaidy, biudjetten de qarajat qaralmaǧan. Üilerdıŋ qasbetın ärleu biznestıŋ äleumettık jauapkerşılıgı aiasynda jüzege asyrylyp otyr. Būl turaly Qaratau audanynyŋ äkımı A.Älıqūlov mälımdedı. Onyŋ aituynşa, Asar şaǧyn audanynda 2017 jyly paidalanuǧa berılgen 30 köpqabatty üide syrtqy ärleu jūmystary jürgızılude. Nysanda 12 brigada jūmys ıstese, är brigadada 8 qūrylysşydan bar. Üilerdı qaptauǧa öte sapaly «saiding» materialy qoldanylyp jatyr.

«Asar aumaǧy boiynşa jalpy sany 30 köpqabatty üide qūrylys jūmystary jürgızılıp jatyr. Onyŋ ışınde 18 üidıŋ qūrylysy tolyq bıtıp, 12 üidıŋ qūrylysy 1 ai ışınde aiaqtalady. Köpqabatty üilerdıŋ qūrylysyna 500 mln. teŋgeden astam qarajat jūmsaluda. Qūrylysqa ketken şyǧynnyŋ barlyǧyn "Aq Ordasy» Korporasiiasy" JŞS   köterıp jatyr», -deidı audan äkımı.

Sonymen qatar, ol «Nūrsät» şaǧyn audanyndaǧy №18,19,20 köpqabatty tūrǧyn üilerdıŋ syrtqy qasbetterın retke keltıru jūmystary «Besqūdyq Tas» jäne «Art Qūrylys» JŞS tarapynan jürgızılse, Aqjaiyq şaǧynaudany «Tūlpar» tūrǧyn üi keşenınde ornalasqan 6 tūrǧyn üidıŋ qasbetın «Eristail-Qazaqstan» JŞS –gı jürgızıp keledı.

Şymkent