Ekıbastūz qalasynda ekınşı Halyqqa qyzmet körsetu bölımı aşyldy. Jergılıktı tūrǧyndar üşın mūnda memlekettık qyzmetterdı aluǧa kömektesetın operasiialyq zal men daiyn qūjattardy beru sektory jūmys ısteidı.
«Azamattarǧa arnalǧan ükımet» memlekettık korporasiiasynyŋ Pavlodar oblystyq filialynyŋ direktorynyŋ orynbasary Saltanat Auppaevanyŋ aituynşa, 130 myŋnan astam tūrǧyny bar şahar üşın taǧy bır bölım aşu qajettılıgı būrynnan tuyndaǧan. Jarty jyl ışınde ekıbastūzdyqtarǧa 63 myŋ memlekettık qyzmet körsetılgen.
«Ekıbastūzǧa bır HQO jetkılıksız boldy. Qala tūrǧyndarynyŋ sany artyp keledı, sondai-aq bızdıŋ qyzmetkerlerımız kölıktı tırkeu jäne jürgızuşı kuälıgın auystyru siiaqty avtoqyzmetterdı de qosymşa körsetıp keledı. Bölımnıŋ aşyluyna jergılıktı käsıpker qolǧabys etıp, osy ǧimaratty bızge öteusız paidalanuǧa berdı. Osy rette, oǧan ülken rizaşylyǧymyzdy bıldıremız», - dedı Saltanat Auppaeva.Jaŋa bölımde qūjattandyru (jeke kuälık jäne pasport beru) jäne transportqa qatysy joq barlyq memlekettık qyzmetterdı aluǧa bolady. Bölımnıŋ aulasynda kölıkke arnalǧan avtotūraq qarastyrylǧan. Jaŋa bölım Ekıbastūz qalasynyŋ Energetikter köşesı, 37/1 mekenjaiy boiynşa ornalasqan. Jūmys kestesı düisenbı-jūma aralyǧy saǧat 9.00-den 16.00-ge deiın, senbı künı 9.00-den 14.00-ge deiın.
"Adyrna" ūlttyq portaly
