Äleumettık jelılerde premer-ministrdıŋ orynbasary E. Toǧjanov pen Densaulyq saqtau ministrı A. Soidyŋ şıldenıŋ otyzy küngı brifingte halyqty jappai maska taǧuǧa mındettegen talaby synǧa alyndy. Ministr eŋbektegen baladan, eŋkeigen qartqa deiın maska taǧuy tiıs degen talap qoidy. Al pediatrlar 2-3 jasqa deiıngı balalarǧa betperde taǧu qauıptı ekenın būǧan deiın talai eskertken. Halyqtyŋ jappai qarsy şyqqanynan bolar, ministr A. Soi köp ötpei-aq būl talaptyŋ aşyq alaŋda jattyǧu jasauşylar men oinap jürgen balalarǧa qatysty emestıgın aitypty.
Şıldenıŋ 30 küngı OKQ-degı brifingte qoǧamdyq oryndarda maska taǧyp jüruge bailanysty jurnalisterdıŋ säbilerge arnalǧan maskany qaidan aluǧa bolatyny jaily sūraǧyna Premer-Ministrdıŋ orynbasary E. Toǧjanov därıhanalardan alatynyn aitsa, Densaulyq saqtau ministrı A. Soi däkeden jasap aluǧa bolatynyn täptıştep üiretken.
Densaulyq saqtau ministrı säbilerdıŋ maska taǧuynan bälendei mäsele körmeidı eken. Onyŋ oiynşa, ülkenderge arnalǧan betperdenı säbilerge şaqtap nemese däkenı bırneşe ret orap ta jasap aluǧa bolady.
Pandemiia bastalǧaly berı şeteldık pediatrlar da, otandyq pediatrlor da ekı-üş jasqa deiıngı balalardyŋ betperde taǧuy öte qauıptı ekendıgın eskertıp keledı. Maŋǧystaulyq därıgerlerdıŋ aituynşa, üş jasqa tolmaǧan balalardyŋ tynys alu jüiesınıŋ fiziologiialyq erekşelıgıne bailanysty betperde taǧu olardyŋ densaulyǧyna ziian keltıruı mümkın (https://www.lada.kz/).
Al pandemiianyŋ bastapqy kezınde-aq Japoniianyŋ pediatrlar assosasiiasy ekı jasqa tolmaǧan balalarǧa maska taǧuǧa bolmaitynyn eskertse, RF Densaulyq saqtau ministrlıgınıŋ Balalar densaulyǧyn saqtau ortalyǧy üş jasqa tolmaǧan balalardyŋ maska taǧuy densaulyqqa aitarlyqtai kerı äserın tigızetının aitqan.
Mamandardyŋ pıkırınşe, būl ekı-üş jasqa deiıngı balalardyŋ tynys alu joldary tym kışkentai, sol sebepten maska demaluǧa kedergı keltırıp, tıptı tūnşyqtyruy mümkın. Sondai-aq maska jürekke de artyq küş tüsırıp, ūiqyşyldyqty, mazasyzdyqty tudyryp, tez şarşatady.
Tailandta perzenthanalarda virustyŋ aldyn alu üşın jaŋa tuǧan säbilerge arnalǧan arnaiy qorǧanyş-maskasyn syiǧa tartyp otyrǧan. Pediatrlar mūndai maskalar da balalar üşın öte qauıptı ekendıgın eskertedı.
Būdan bölek, 1 tamyz saǧat 11.00-ge belgılengen QR Prezidentı janyndaǧy Ortalyq kommunikasiialar qyzmetınıŋ «Qazaqstandaǧy COVID-19 jäne pnevmoniia statistikasyn bırıktıru» mäselesıne bailanysty baspasöz konferensiiasyn da bastaluyna sanauly uaqyt qalǧanda düisenbı künge auystyrdy. Konferensiianyŋ spikerlerınıŋ qatarynda QR densaulyq saqtau ministrı Aleksei Soi, QR densaulyq saqtau vise-ministrı Ajar Ǧinaiat, DDSŪ Europalyq biurosynyŋ tötenşe jaǧdailar jönındegı aimaqtyq direktory, DDSŪ-nyŋ Qazaqstandaǧy ökıldıgınıŋ basşysy Doktor Karolin Klarinval bar.
Elımızdıŋ bıldei Ortalyq komkommunikasiialar qyzmetı baspasöz konferensiiasyn sanauly minuttarda keiınge şegergenıne qaraǧanda, mäsele älı de şeşımın tappaǧan syŋaily.
Onsyzda virustan üreiı ūşyp, aşuyn sabyrǧa jyǧyp berıp otyrǧan halyq bır emes ekı ret sözınen taiǧan ministrdıŋ būl äreketınen keiın elımızdıŋ medisinasynyŋ senımdı qolda ekendıgıne kümändana bastaǧandai.
Aijan PERDEBEKQYZY,
«Adyrna» ūlttyq portaly
