OQULYQ JAZU SOSİALİSTIK JARYS PA？
El maqtaǧan bas mūǧalım negızgı tüitkılge nükte qoidy. Būrynǧy basşy tamyryna balta şauyp，küresınge tastaǧan "Älıppe" men "Ana tılın" qaitardy. El yqylasyna bölenıp tūrǧan ministr Ashat Aimaǧambetov qoǧamdyq pıkırge naqty baǧasyn osylai berdı.
"Älıppe" men "Ana tılı" qaitty dep" börkımızdı aspanǧa atyp quanyp jatyrmyz. Dūrys-aq. Mäsele sonymen bıttı me？Bır aidan soŋ jaŋa oqu jyly bastalady. Al endı sol "Älıppe" men "Ana tılı" qalai jazylyp jatyr？Kımder jazyp jatyr？Tapsyrys beruşı kım？Saraptan ötkızetın alqa qūramy qalai？Biylǧy jyly jedel äzırlengen ekı-üş oqulyq täjıribe retınde bır jyl oqytylatyn körınedı，sosyn keler jyly naqty şeşımge keletın siiaqty.
Bıluımşe däl osy künderı "qos ökpesın qolǧa alyp" 12-13 baspa jarysa，jantalasa oqulyq jazyp jatqan körınedı. Erteŋ "baby" men "baǧy" kelısıp，maŋdaiy jarqyraǧan bır-ekı baspanyŋ toptap qosqan toby bäigeden keledı. Būl ne？Sosialistık jarys pa？Ozyq oqulyqty Bılım ministrlıgınıŋ janyndaǧy arnaiy qūrylǧan saraptamalyq komissiia qarap，tiıstı şeşım qabyldaityn körınedı. Ol komissiia qalai qūryldy？Qandai mamandardan qūryldy？Būl komissiiaǧa baspalardyŋ "barmaq basty，köz qysty" yqpaly qalai？ Eŋ bastysy - sol komissiiaǧa elımızdegı eŋ bılıktı mamandar tartyldy ma？Osy künderı kündız-tünı ūiqy körmei (az ǧana uaqyt qaldy ǧoi) oqulyq jazyp jatqan mamandardyŋ özı ol komissiiada bar ma？Bolsa，erteŋ ol öz "baspasynyŋ" jyryn jyrlap ketpei me？Saual öte köp...
Oqulyq jazu ısın jekelegen baspalar monopoliiaǧa ainaldyryp alǧany eşkımge jasyryn emes. Zamanynda oqulyqpen ekı baspa - "Mektep" pen "Bılım" ǧana ainalysatyn，bıraq ol kezeŋde tapsyrys beruşı baspanyŋ özı me，ministrlık pe，esımde joq. Qazırgı künı oqulyq jazu ısı tolyqtai baspalardyŋ qūzyryna ötken，bar gäp osynda... Tapsyrys beruşı de baspanyŋ özı. Oqulyq jazatyn mamandardy da jasaqtaityn baspa. Būl qanşalyqty dūrys？Mūny zerttegen jan bar ma？Saual köp... Bılım ministrı osy baǧytta tereŋ，öt-te tereŋ oilanuy kerek.
Sosyn，elımızdegı ūlttyq mektepterge de jekelegen baspa oqulyq jazatyn körınedı. Mäselen，özbek jäne ūiǧyr tılındegı mektepterge oqulyqty "Jazuşy" baspasy jazady eken. Elımızge mälım baspa. Olar da mamandardy sol ūlttyŋ ökılderınen özderı taŋdap alatyn körınedı. Olar oqulyqty qalai jazyp jatyr？İdeologiiasy qalai？Mektep tabaldyryǧyn jaŋa attaǧan bala qai ūlttyŋ qūndylyqtarymen qarulanyp jatyr？Erteŋ olar Qazaq memleketınıŋ patrioty bola ma？Būl baǧytta da oilanatyn mäsele jeterlık.
Mamandardyŋ aituynşa，keŋes uaqytynda (ol däuırdı saǧynyp otyrǧan jaiym joq，bıraq sol däuırdıŋ bılım beru salasy naqty jüiege qūrylǧanyn moiyndau kerek) oqulyq jazuǧa tapsyrysty Bılım minstrlıgı beretın. Saraptau komissiiasy da elımızdegı eŋ bılıktı，täjıribelı mamandardan qūrylǧan. Barlyq jauapkerşılık bır ǧana tarapta. Bızge jetken aqparat boiynşa，ministrlıktıŋ janynan qūrylǧan saraptamalyq komissiiany mūqiiat qarau kerek. Komissiia müşelerınıŋ ärqaisyna baspalardyŋ yqpal-äserı degendı pyşaq kestı tiiu kerek！Qūramdy ädılettı，maily jılıktı ūstap otyrǧan baspa jetegınde jürmeitın bılıktı mamandardan qūru kerek. "Barmaq basty，köz qystylyq" däl osy bılım salasynan tübırımen joiu qajet. Būl - bızdıŋ ūrpaqtyŋ taǧdyry！Bılımdı ūrpaq - memlekettıŋ tıregı！
ŪSYNYS！Oqulyq jazuǧa tapsyrysty Bılım ministrlıgı özı beruı kerek！Elımızdegı oqulyq jazatyn eŋ bılıktı mamandardy özderı jasaqtauy qajet. Baspalar tek daiyndalǧan önımdı şyǧaryp beruşı ǧana bolu tiıs！
Osy mäselege Bılım jäne ǧylym ministrı Ashat Aimaǧambetov myrza jıtı nazar audarady dep senemın！
Qūrmetpen，
Janarbek ÄŞIMJAN，
"Ana tılı" gazetınıŋ bas redaktory，
Prezident syilyǧynyŋ laureaty，
Qazaqstannyŋ eŋbek sıŋırgen qairatkerı.
