Shymkent qalasynyń Qarataý aýdanynda 47 myńnan astam turǵyn úı bar. Onyń 80,8 paıyzy memlekettik qýat kózine qosylǵan. Al, qalǵan 19,2 paıyzy jekemenshik transformatordan qýat alady eken. Qazirgi kezde Qarataýdaǵy birneshe shaǵyn aýdanda elektr jelilerin tartý jumystary júrgizilip jatyr.
Naqtyraq aıtar bolsaq, Dostyq shaǵyn aýdanyndaǵy elektr jelileriniń qurylysyna 2019 jyly bıýdjetten 400 mln tg qarastyrylyp, jumysy bastalǵan bolatyn. Bıyl taǵy 240,6 mln tg bólinip, elektr baǵanalary ornatylyp jatyr.
Jalpy joba quny 848,1 mln teńge. Merdiger «KazAlfaStroı» kompanııasy elektr jelisin keler jyldyń qarasha aıynda quryp bitirýi tıis. Nátıjesinde, 47 km jeli jáne 13 dana KTP ornatylatyn bolady.
Munan ózge, Turan shaǵyn aýdanynda elektr jaryǵy qurylysyna bıyldyń ózinde 256,3 mln tg qarastyrylyp, "ABM Bıldıng" JShS-y tarapynan jumystary bastaldy. Jalpy quny 2 mlrdtan asatyn joba 2021 jyly qarasha aıynda qoldanysqa beriledi.
Al, Asar-2 shaǵyn aýdanyndaǵy elektr jelileriniń qurylysyna 2019 jyly bıýdjetten 700 mln tg qarastyrylǵan. Bıyl bolsa, 474,8 mln tg bólinip, qurylys jumystary atqarylyp jatyr. Quny 1 mlrdtan asatyn qýat jelisin «Remstroı Almaty» kompanııasy osy kúzde salyp bitýi qajet.
Munan bólek, Qarataý aýdanyndaǵy Tassaı, Azat, Qaıtpas shaǵyn aýdandarynda da elektr baǵanalaryn ornatý jumystary júrip jatqanyn aıta ketken jón.
Shymkent
