Otan dep otqa órteýge saldym bárin,
Joq búgin kókoraıly shalǵyndaryń.
Áıteýir úlken toıyń qarsańynda
Jaınaıdy meniń-daǵy bal-bul janym!
Jalańash Ordań da áne, kórinýde,
Júdegen Shyńǵysyńnyń tóri múlde.
Bolmaıdy baıaǵydaı, jańartqanmen
Aqshoqyn, Jıdebaıyń, Bórileriń de.
Jerińniń tósi túgel naızalanǵan,
Taý-tasyń úgitilgen, maıdalanǵan.
Qyrǵyny qyryq jylǵy az bolǵandaı,
Qos bomba qaıda qalǵan, qaıda qalǵan..?!
Bári de áli jumbaq, jasyrady,
Úreımen aıaqtalar ǵasyr áli.
Áıteýir bir sát bárin umytarmyz,
Abaıdyń shyrqalǵanda asyl áni!
Jambyl aýdany,
Esil AIDARBEK
