Şymkent qalasynda Abai audanyndaǧy 5 tūrǧyn alap pen 2 şaǧyn audandy sapaly auyz sumen qamtamasyz etu maqsatynda qūrylys jūmystary jürıp jatyr.
Sondai-aq, Jidelıbaisyn men Gagarin köşelerınıŋ qiylysynan Kökbūlaq tūrǧyn alabyna deiıngı 28,3 şaqyrymdy qūraityn magistraldy su jüiesınıŋ qūrylysy da kestege säikes atqaryluda.
Qazırgı taŋda Abai audanynyŋ 78,5 paiyzy auyz sumen qamtylǧan. Atalǧan qūrylys jūmystary aiaqtalǧan jaǧdaida audanda auyz sumen qamtylatyn eldımekender sany 31-ge jetıp, 87 paiyzdy qūraityn bolady.
Jyl soŋynda Jaŋatalap, İgılık, Qyzyljar, Täuelsızdıkke - 20 jyl, Kökbūlak tūrǧyn alabyndaǧy 3500-ge juyq otbasy sapaly auyz suǧa qol jetkızedı. Merdıger kompaniialar qūrylys jūmystaryn qarqyndy jürgızıp jatyr.
Yntymaq-2 jäne Batys şaǧynaudanynda jürgızılıp jatqan qūrylys jūmystary kelesı jyly aiaqtalady. Osy maqsatta biyl biudjetten 280 million teŋge qarjy bölıngen.
Sonymen qatar, Soltüstık saiajai şaǧyn audanyn auyz sumen qamtu jūmystaryna JSQ daiyndalǧan, al Aqtas tūrǧyn alabyna tırşılık närın jetkızu üşın JSQ daiyndalu üstınde.
Būan bölek, Qūrsai şaǧyn audany (magistraldy jäne ışkı jüieler qūrylysy), Qyzyljar jäne Yntymaq şaǧyn audandaryn auyz sumen qamtu josparlanyp otyr.
Şymkent qalasy äkımınıŋ baspasöz qyzmetı
