Livan astanasy Beirut qalasynda joiqyn jarylys oryn aldy. Saldarynan bırneşe ǧimarat qirap, myŋdaǧan adam zardap şektı. Bilık ökılderınıŋ aituynşa, jarylys dänekerleu kezınde bolǧan. Apat port qoimalarynyŋ bırınde tärkılengen 2750 tonna ammiak selitrasynyŋ äserınen boluy mümkın.
https://www.youtube.com/watch?v=GCXZdw0jFYkVideodan jarylys jüzdegen şaqyrymǧa joǧaryǧa köterılıp, qanşalyqty ülken aimaqty qamtyǧanyn baiqauǧa bolady.
Jarylys saldarynan äielı men qyzy jaraqat alǧan Livan premer-ministrı Hasan Diab oqiǧaǧa kınälılerdı tabuǧa uäde berdı. Ol «Qoimada alty jyl boiy aldyn-ala şaralar qoldanylmastan 2750 tonna ammiak selitrasynyŋ saqtaluy mümkın emes», - dedı.
Foto: Hussein Malla / AP
Beirutta bolǧan jarylystan 4 myŋǧa juyq adam jaraqat alyp, 78 adam qaza tapty. Būl turaly Livannyŋ densaulyq saqtau ministrı Hamad Hasan mälımdedı. Köptegen adamdardyŋ qaida joǧalǧany belgısız. Olardy ızdestıru tüngı uaqytta elektr quatynyŋ öşuıne bailanysty qiyndyq tuǧyzǧan.
QR SIM-nıŋ mälımdemesıne säikes, Livandaǧy qazaqstandyq konsul jeŋıl jaraqat alǧan. Apat bolǧan uaqytta elşılıktıŋ özge qyzmetkerlerı jūmys künı aiaqtalǧandyqtan ǧimarattan şyǧyp ketken. Jūmys uaqyty bıtkenıne qaramastan konsul öz qyzmetın jalǧastyra bergen. Jarylys, sonymen bırge, elşılıktıŋ ǧimaratyna da ziian keltırdı.
Livan Joǧarǧy qorǧanys keŋesı Beirut portyndaǧy jarylystan keiın şūǧyl jinalys ötkızıp, qalany apatty aimaq dep jariialady. Jarylysqa bailanysty keŋes müşelerı ükımetke elordada ekı aptaǧa tötenşe jaǧdai jariialaudy ūsyndy.
Aiaulym ÄBILDA,
“Adyrna” ūlttyq portaly
