Şymkent qalasy Säule şaǧyn audanyndaǧy 276 oram şaharǧa Sairam audanynan qosylǧan. Bügınde onda 700-ge juyq tūrǧyn tūrady.
Alaida, būl maŋda biylǧa deiın auyz su, jaryq, jol mäselesı özektı bolyp kelgen. Qala äkımı Mūrat Äitenov köp jyldan berı kürmeuın tappaǧan infraqūrylym problemasyn jıtı baqylauyna alyp, jauapty mekemelerge tapsyrma bergen bolatyn. Nätije köp küttırmedı. Qalanyŋ jolauşylar kölıgı jäne avtomobil joldary basqarmasy tarapynan bes şaqyrym jolǧa şaǧal tas töseldı. Iаǧni, tūrǧyndardyŋ jüretın jolyna 100 paiyz tas töseldı.
Mūnan bölek 276 oramdy elektr jüiesımen qamtamasyz etu maqsatynda demeuşıler tarapynan 25 baǧana, 2 şaqyrym sym jäne quattylyǧy 160 kVt köteretın transformator ornatylyp, 150-ge juyq tūrǧyn üi sapaly elektr quatymen qamtamasyz etıldı.
Al aumaqty sapaly auyz sumen qamtamasyz etu üşın, demeuşıler tarapynan 350 metrge juyq su qūbyrynyŋ qazba jūmystary jürgızılıp, auyz su jüiesı tūrǧyndardyŋ igılıgıne paidalanuǧa berılıp otyr.
Sondai-aq, 276 oramdy injenerlık-infraqūrylymmen tolyq qamtamasyz etu üşın jobalyq-smetalyq qūjattamasy daiyndalyp jatyr. Jospar boiynşa qūjat jyl soŋynda daiyn boluy tiıs.
Şymkent qalasy äkımınıŋ baspasöz qyzmetı
