Bul jóninde qala ákimi Murat Áıtenovtiń azamattardy onlaın qabyldaý barysynda málim boldy. Qabyldaýǵa jazylǵan qala turǵyny Mıntaeva Gýlıa Asar-2 shaǵyn aýdanyna aýyz sý júıesin tartý máselesin qozǵady.
«Bizdiń shaǵyn aýdannyń turǵyndar 7 jyldan beri aýyz sýdy tasyp ishedi. Aptasyna bir ret keletin sý turyp qalady. Bul densaýlyqqa zııan keltirýde. Eń birinshi osy máseleni sheship berýińizdi suraımyz» - degen Gýlıa Spataıqyzy aýmaq turǵyndarynyń atynan kelgenin jetkizdi.
Bul másele boıynsha turǵyn úı-kommýnaldyq sharýashylyq basqarmasynyń basshysy Jolshybek Shaıhslamov «Asar-2» turǵyndaryn sapaly aýyz sý júıesimen qamtamasyz etý maqsatynda osy jyldyń maýsym aıynda qurylys jumystary bastalǵanyn baıandady. Onyń aıtýynsha, joba quny 1,5 mlrd teńgeni quraıdy. Bıylǵa 350 mln teńge bólingen. Bekitilgen qarjyǵa jyldyń sońyna deıin 1 mektep jáne 300 turǵyn úı aýyz sý júıesine qosylady eken.
- «Asar-2» eldimekenin aýyz sýmen tolyq qamtasyz etýge 1,5 mlrd teńge qarjy kerek. Búgingi tańda bıýdjet jyldyń basynda bólinetin bolǵandyqtan, aýdandy tolyǵymen aýyz sýmen qamtamasyz etý jumystary ýaqytsha toqtap tur. Alaıda, aqshany únemdep, tıisti jumystardy júrgizýge baǵyttaýdyń tıimdi tustaryn qarastyramyn. Bul másele kelesi jyly tolyq sheshimin tabady» - dedi Murat Áıtenov.
Sondaı-aq, sala basshysyna aýyz sý júıesin tartýdyń josparyn qaıta qarap shyǵý jóninde naqty tapsyrma berdi.
Kezekti ótken onlaın qabyldaýda budan ózge, Tasken, Turan shaǵyn aýdandaryndaǵy kúrmeýi sheshilmegen máseleler kóterildi. Oǵan qala basshysy barlyq másele kezeń-kezeńimen sheshiletinin, jeke baqylaýynda ekenin aıtty. Sonymen qatar, kelip túsken ótinishter boıynsha aýdan ákimderi men basqarma basshylaryna tıisti jumystardy atqarý úshin tapsyrmalar júktedi.
Shymkent qalasy ákiminiń baspasóz qyzmeti
