Elşılık degen – bır eldegı bızdıŋ eldıŋ kışkentai ǧana köşırmesı siiaqty. Amerikadaǧy Qazaqstan elşılıgınde bolǧan jaǧdai eken mynau. Sonda tūratyn (oqityn, jūmys ısteitın) Gülnär deitın qaryndasymyz jazypty. Memlekettık tıldı mensınbeu men bızdegı bylyqtyŋ bärı būlarda da bar. Sonau Amerikada jürgen kezde elşılıkten bır patriotizmdı, otanşyldyqty, ystyq yqylasty körgısı keledı adam. Alyp-ūşyp elşılıkke kelgen qandastarymyz onyŋ ornyna orysqūl psihologiiany, elşılıktegılerdıŋ öz tılın mensınbei tūrǧan dümbılez, qūldyq mınezın körgende tauy şaǧylyp qaitatyn şyǧar. Elşılıktegı jaǧdaiǧa qarap, Qazaqstandy körgendei bolasyŋ. Adamnyŋ qaradai jyny keledı eken:
Büi dep jazypty Gülnär:
«Sälem bärıŋızge! Bügın Vaşingtondaǧy elşılıkke habarlastym. Jauaptary taŋ qaldyrdy. Ekınşı ret reisımdı toqtatqan soŋ aqparat alaiyn dep telefon şaldym. Qai elder arqyly Qazaqstanǧa jetuge bolady, qai eldermen äue reisterı aşyq dep bır ǧana sūraq qoidym. Sonyŋ özıne eşbır aqparat bere almady. Amerikadaǧy bır tur agenttıktıŋ atyn berıp, solardan aqparat alyŋyz dedı. Qazaqşa amandasyp edım, orysşa jauap aldym. Qysqa äŋgımemız orysşa boldy. Özı qazaq, ärine, aty jönın jazbai-aq qoiaiyn. Sonda elşılıktıŋ Amerikadaǧy qazaqstandyqtarǧa däl qazırgı COVID-19 jaǧdaiynda keŋestık (konsultativtı) kömegı (basqa kömektı sūramai-aq qoiaiyn) qandai?!»
Jolymbet Mäkış
