Bügın Şymkentte Abai Qūnanbaiūlynyŋ 175 jyldyǧy aiasynda qala äkımınıŋ bırınşı orynbasary Şyŋǧys Mūqan men qalalyq mäslihat hatşysy Ǧani Taşqaraev Abai eskertkışıne gül şoqtaryn qoidy. Sonymen qatar, olar Abai mūrajaiynda bolyp, tanymdyq ekskursiia jasady. Artynda öşpes mūra qaldyrǧan oişyldy öskeleŋ ūrpaqqa keŋınen därıpteu maqsatynda 1995 jyly Abaidyŋ 150 jyldyq mereitoiy qarsaŋynda saiabaq aldyna eskertkışı ornatylǧan bolatyn.
Būdan özge, Şymkentte Abai Qūnanbaiūlynyŋ esımı berılgen 1 audan, 1 daŋǧyl, kıtaphana, mūrajai, saiabaq bar.
Naqtyraq aitqanda, 2004 jyly «Şymkent qalasynda audandar qūru turaly» Şymkent qalalyq mäslihatynyŋ şeşımı jäne äkımdık qaulysymen Abai audany qūryldy. Audannyŋ aumaǧy 50 myŋ gektarǧa juyq. Bügınde onda 323 myŋǧa juyq tūrǧyn qonystanǧan.
Al, ūzyndyǧy 2 şaqyrymǧa sozylatyn daŋǧylǧa Abai esımı 1990 jyly berıldı.
Sondai-aq, 1964 jylda qūrylǧan qalalyq ortalyq kıtaphanaǧa 2005 jyly ŪR Ükımetınıŋ qaulysyna säikes Abai esımı berıldı.
Şymkenttıkterdıŋ süiıktı demalys ornyna ainalyp ülgengen qazırgı Abai saiabaǧy - 1967 jyly «50 let Oktiabria» saiabaǧy bolyp aşylǧan bolatyn. Ol 1991 jyly 23 mamyrda danyşpan aqyn Abaidyŋ esımıne özgertıldı. Onda Ūly Otan soǧysy ardagerlerıne arnalǧan alleia, ülken daŋq memorialy, subūrqaq, şaǧyn säulet nysandary jäne merekelık ıs-şaralar ötkızuge arnalǧan sahna bar.
Sonymen qatar, 2009 jyldyŋ 22 qyrküiegınde Abai saiabaǧynan Hakım Abai mūrajaiy aşyldy.
Şymkent qalasy äkımınıŋ baspasöz qyzmetı
