2020 jyldyń 27 shildesinde Túrkistan qalalyq sotynyń úkimimen Túrkistan oblysy Mádenıet basqarmasynyń basshysy N.E. Isabek pen osy basqarmanyń bólim basshysy D. Abdýllaevatyń árqaısysy 7 jylǵa bas bostandyǵynan aıyryldy. Bul týraly QR Sybaılas jemqorlyqqa qarsy is-qımyl agenttiginiń baspasóz qyzmeti habarlady.
N. Isabek Túrkistan oblysynyń «Oblystyq tarıhı-ólketaný murajaıy» MQKK-ǵa basshy laýazymyna taǵaıyndaý úshin deldal D. Abdýllaevadan 700 000 teńge para aldy degen kúdikpen ustaldy.
Nurdáýlet Erkinuly Isabek 2019 jyldyń 7 aqpanynda Túrkistan oblysy Mádenıet jáne tilderdi damytý basqarmasynyń basshysy bolyp taǵaıyndalǵan bolatyn.
Nurdáýlet Erkinuly 1974 jyly 29 tamyzda Almaty oblysy Jambyl aýdanyna qarasty Suranshy batyr atyndaǵy aýylda týǵan.
“Adyrna” ulttyq portaly
